Maromak loke Hagar nia matan no nia haree bee posu ida. Nia baa no enxe bee nakonu iha kulit no foo hemu ba ninia oan. Jénesis 21:19 BK
Hagar hamutuk ho ninia oan-mane Ismael iha rai-fuik. Sira-nia bee hotu ona. Nia hanoin katak labarik mane ne'e sei mate. Nia tuur no tanis. Maibé Biblia hatete: "Maromak loke Hagar nia matan no nia haree bee posu" Bee ne'e sempre iha ne'ebá, maibé Hagar la bele haree to'o Maromak loke ninia matan.
Istória ne'e hanorin ba ita katak dala barak Maromak nia bénsaun besik ona ita, maibé ita la bele haree tanba ita-nia matan espirituál taka hela. Se Maromak la loke ita-nia matan, ita sei matan-delek nafatin.
Ita mós haree istoria kuaze hanesan iha Testamentu Foun. Hafoin Jesus moris hi'as tiha husi mate, dixipulu nain-rua la'o hamutuk ho Nia iha dalan ba Emaus (Luc 24). Maibé sira la koñese Jesus to'o bainhira Jesus loke sira-nia matan. Jesus hamutuk ho sira durante sira-nia viajen tomak, maibé sira la bele haree nia to'o Maromak ajuda loke sira-nia matan.
No mós, feto Samaria iha bee-posu (João 4), dahuluk haree Jesus nu'udar mane ida ne'ebé kolen tamba viajen. Maibé bainhira Jesus loke ninia kompriensaun, nia haree katak Nia mak Mesias, fonte ba bee moris nian.
Historia Hagar, dixipulu sira iha Emmaus, no feto Samaria fó-hanoin ita kona-ba lia-loos ne'ebé hanesan: Se Maromak la loke ita-nia matan no laran, ita labele haree Ninia bénsaun sira, ita labele komprende Ninia Liafuan, no ita labele hatene Jesus.
Mai ita harohan: "Nai, loke ami-nia matan atu haree Ita-nia bénsaun sira. Loke ami-nia laran atu hatene Ita-nia Liafuan. Loke ami-nia espíritu atu hemu bee moris nian, Jesus Kristu."
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment