Sai kriasaun foun

Ne'e duni, se ema ida hela iha Kristu, Nia mak kriasaun foun ida. Buat tuan sira liu tiha ona. Tebes, buat hotu sai foun ona. 2 Korinto 5:17 BK 

2 Corinthians 5:17

Iha 2 Korinto kapítulu 5, apóstolu Paulo hanorin ema fiar-na'in sira kona-ba buat ne'ebé Maromak halo ona ba ita liuhusi Jesus Kristu. Antes versíkulu ne'e, apóstolu Paulo esplika katak Jesus mate ba ema hotu, tan ne'e sira ne'ebé moris la moris tan ba sira-nia an rasik, maibé ba Nia (Jesus). Ida-ne'e ajuda ita atu komprende kona-ba signifika hosi kriasaun foun. 

Bainhira Biblia hatete katak "se ema ida iha Kristu," ne'e katak ema ne'ebé fiar ba Jesus, simu Nia nu'udar Salvador, no hili atu la'o tuir Nia. Promesa ne'e ba ema hotu, la'ós de'it ba ema fiar-na'in ne'ebé forte ka ba ema ne'ebé edukadu de'it. Ema hotu ne'ebé mai ba Jesus bele hetan transformasaun. 

Sai kriasaun foun la signifika katak buat sira iha ita-nia pasadu nunka akontese. Maibé ne'e katak Maromak fó perdua ba ita-nia sala no fó biban ba ita hahú moris foun. Buat ne'ebé "tuan" hanesan hahalok sala-na'in, sentimentu sala, odi, no ta'uk - la kontrola tan ita-nia moris tan. Buat "foun" sira hanesan perdua, dame, domin, no esperansa, hahú krexe liután iha ita-nia laran. 

Mudansa sira ne'e la sempre akontese kedas dala ida. Loron-loron, Maromak halo serbisu iha ita-nia laran. Bainhira ita halo orasaun, lee Biblia, no tau fiar ba Nia, Maromak muda ita-nia hanoin, liafuan no hahalok ho neineik. Ema sira ne'ebé hale'u ita komesa haree katak ita la hanesan uluk ona - la'ós tanba ita di'ak liu, maibé tanba Maromak komesa serbisu iha ita-nia moris. 

Versíkulu ne'e mós fó esperansa mai ita. Maski ema ita sente laran-kanek halo nusa mós, Maromak bele halo ita sai kriasaun foun fali. La iha sala ida iha tempu uluk ne'ebé boot liu atu Maromak bele fó perdua. Iha Kristu, sempre iha inísiu foun ida. 

Kuandu ita simu Jesus no husik Nia muda ita-nia moris, ita sai kriasaun foun ne'ebé la'o tuir Maromak Nia grasa. Moris foun iha Kristu ajuda ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏