Nunee buat hotu ne'ebé imi hakarak atu ema seluk halo ba imi, imi mós halo hanesan ne'e ba ema seluk. Tanba ida ne'e mak Lei no Profeta sira. Mateus 7:12 BK
Oinsá mak ita hakarak ema seluk trata ita? Ita hotu iha resposta simples ida. Ita hakarak ema hatudu laran-di'ak ba ita. Ita hakarak sira rona bainhira ita ko'alia. Ita hakarak sira fó perdua ba ita kuandu ita halo sala ruma. Ita hakarak sira ajuda ita kuandu ita presiza. Ema hotu hakarak atu hetan tratamentu ho respeitu, laran-di'ak no domin.
Jesus fó ukun-fuan ne'ebé klaru no simples ba ita-nia moris. Dala barak ema bolu ida-ne'e nu'udar ukun-fuan osan-mean ou golden rule. Nia hatete: "Nunee buat hotu nebee imi hakarak atu ema seluk halo ba imi, imi mós halo hanesan ne'e ba ema seluk". Ne'e signifika antes ita halo asaun, foti momentu ida atu hanoin. Hanoin to'ok: "Hau sente oinsá se ema ruma halo ida-ne'e ba ha'u?" Se Ita sente laran-kanek ka triste, keta halo ida-ne'e. Se Ita sente kontente, entaun halo ida-ne'e!
Ida ne'e la'ós ideia di'ak de'it. Jesus hatete katak ida-ne'e mak kurasaun hosi Maromak Nia Liafuan. Ida-ne'e mak sumariu hosi saida mak Maromak hakarak husi ita kona-ba oinsá ita trata ema seluk. Ne'e signifika ita tenke justu. Ida-ne'e katak ita tenke ajuda ema. Ne'e katak hatudu domin iha dalan ne'ebé loos.
Dala ruma susar atu halo ida-ne'e. Dala ruma ema la hatudu laran-di'ak ba ita. Maibé Jesus bolu ita atu hatudu domin, la'ós naran foti asaun de'it. Kuandu ita hatudu hahalok-di'ak hanesan ita hakarak ema ema seluk halo ba ita, ita hatudu katak Maromak hadomi sira. Ita mós hatudu ba sira oinsá mak Maromak Nia ukun ne'e.
Dalan ba lalehan mak la'o ho domin ba Maromak no hadomi ema. Kuandu ita hili laran-di'ak, pasiénsia, ka ajuda ema, ita la'o tuir dalan ne'e. Ita mós halo dalan ne'ebé moos ba ema seluk. Bainhira ita moris tuir Ukun-Fuan Osan-mean ne'e, ita sai nu'udar sinál ne'ebé hatudu ema katak ita hadomi Maromak no fó naroman ba ema seluk atu la'o iha dalan ba lalehan.
Orasaun. Nai, dala ruma susar atu hatudu hahalok-di'ak ba ema seluk. Ajuda ami atu hanoin-hetan oinsá ami hakarak ema trata ami. Fó laran-di'ak mai ami no vontade atu halo buat ne'ebé ami hakarak ema seluk halo ba ami. Husik ami-nia moris hatudu Ita-nia domin iha dalan ba lalehan. Hodi Jesus nia naran, Amen.
🙏🌹🙏🌹🙏🌹🙏🌹🙏🌹🙏
#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment