Raan sai nuʼudar sinál iha uma neʼebé imi hela bá. Kuandu haʼu haree raan neʼe, haʼu sei hakat liu

Paskua dahuluk iha Ejitu, iha ne'ebé ema Israel sira oho bibi no tau bibi nia raan iha odamatan atu nune'e sira libre hosi mate (Lee Êxodos 12). Ida ne'e reprezenta Jesus ne'ebé sei mai mate iha kruz. Tamba Jesus mak Maromak Ninia bibio-oan ne'ebé kasu mundu ninia sala (João 1:29). Iha Mateus 27, ita lee katak Jesus ninia raan fakar bainhira Pilatus intrega nia atu krusifika (Mateus 27:24–26b). Tristi tebes, ema sira ne'ebé Liu iha fatin ne'eba hatete "tuun mai hosi kruz, karik ó Maromak Ninia oan" (Mateus 27:40b), maibé Jesus mate hanesan bibi-oan ne'ebé kasu mundu ninia sala. Ema sira ne'ebé haree la kompriende katak Jesus voluntarimente sakrifika Ninia aan. Sira hatete ‘Nia salva ema seluk... maibé Nia labele salva nia aan’ (Mateus 27:42a).

Jesus salva ita tamba nia lakoi salva Ninia aan rasik atu nune'e ó ho ha'u bele moris. Konsidera Na'i Maromak ninia lia-fuan tuir mai kona-ba oinsá ema Israel sira selebra paskua dahuluk iha rai Ejitu.

Raan neʼe sei sai nuʼudar imi-nia sinál iha uma neʼebé imi hela bá. Kuandu haʼu haree raan neʼe, haʼu sei hakat liu deʼit imi. Susar sei la kona imi no haʼu sei la halakon imi bainhira haʼu fó kastigu ba rai-Ejitu. Êxodo 12:13 TMF

Raan nee sei sai sinál ida ba uma nebee imi hela. Bainhira Hau haree raan nee, Hau sei lao liu imi. Nunee imi sei la hetan kastigu nebee bele halakon imi bainhira Hau baku rai Ejitu. Êxodo 12:13 BK

O sangue será um sinal para indicar as casas em que vocês estiverem; quando eu vir o sangue, passarei adiante. A praga de destruição não os atingirá quando eu ferir o Egito. Êxodo 12:13 NVI

Dan darah itu menjadi tanda bagimu pada rumah-rumah di mana kamu tinggal: Apabila Aku melihat darah itu, maka Aku akan lewat dari pada kamu. Jadi tidak akan ada tulah kemusnahan di tengah-tengah kamu, apabila Aku menghukum tanah Mesir. Keluaran 12:13 TB

Now the blood shall be a sign for you on the houses where you are. And when I see the blood, I will pass over you; and the plague shall not be on you to destroy you when I strike the land of Egypt. Exodus 12:13 NKJV

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏