Hatudu laran luak ba sira nebee duvida hela. Judas 1:22 BK
Iha livru Juda, ita hetan instrusaun simples no kle'an ida: "Hatudu laran luak ba sira nebee duvida hela" Judas 1:22. Liafuan sira-ne'e fó-hanoin ita katak importante tebes atu hatudu laran-sadi'a no kompaixaun ba ema ne'ebé dúvida iha sira-nia fiar ba Maromak. Ne'e inklui ita-nia an rasik!
Dúvida ne'e hanesan esperiensia komún ida iha ita-nia viajen fé nian. Ida-ne'e bele mosu husi fonte oioin, hanesan pergunta intelektuál sira, problema pesoál sira, ka influénsia husi mundu ne'ebé hale'u ita. Kuandu ita hasoru ema ne'ebé iha dúvida kona-ba fiar, importante tebes atu ita responde ho laran-sadi'a no kompriensaun.
Hatudu laran-sadi'a katak ita hatudu laran-di'ak no pasiénsia ba ema seluk. Ida-ne'e envolve rona sein julga ema, fó apoiu, no fó fatin ne'ebé seguru atu ema ko'alia ho onestu. Kuandu ita hatudu laran-sadi'a ba sira ne'ebé dúvida, ita kria ambiente ida-ne'ebé sira bele hato'o sira-nia pergunta no preokupasaun ho nakloke, sein ta'uk atu ema rejeita ka kondena.
Nu'udar Kristu nia dixipulu, ita tenke banati-tuir ninia ezemplu. Jesus sempre hatudu laran-sadi'a ba sira ne'ebé luta iha sira-nia fiar. Nia hasoru ema iha sira-nia kondisaun idaidak, hodi fó matadalan no komprensaun. Jesus nunka rejeita sira ne'ebé buka Nia, mesmu sira iha duvida no inserteza.
Kuandu ita hatudu laran-sadi'a ba sira ne'ebé dúvida, ita la'ós de'it ajuda sira iha sira-nia viajen fé nian, maibé mós ita refleta Na'i Salvadór Ninia domin. Ita mós bele hatudu laran-sadi'a ba ita-nia an kuandu ita sente dúvida.
Iha fatin ba pergunta sira. Iha fatin ba inserteza sira. Dúvida la intimida Jesus, no dúvida la presiza intimida ka halo ita ta'uk ita mós.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
0 comments:
Post a Comment