Saida mak Maromak nia intensaun bainhira ita hasoru susar?

Mesmu Diabu, iha podér no bele halo ita sofre no mate maibé nia podér laliu Maromak nian.  Diabu labele halo ita moras ka terus se la iha permisaun hosi Maromak.

Konsidera Na'i Maromak Nia futarlia tuir mai:
Ho ida-neʼe, Na'i dehan ba Satanás: “Buat hotu neʼebé ninian iha ona ó-nia liman. Maibé ó-nia liman keta kona nia!” Nuneʼe, Satanás sai husi Na'i nia oin"Job 1:12

Simão, Simão, haree bá! Satanás husu atu nia bele haketak imi hotu hanesan ema neʼebé haketak trigu husi nia kulit. Lukas 22:31

Ema ida labele hanoin liu kona-ba haʼu tanba vizaun furak sira neʼebé haʼu simu. Haʼu simu ai-tarak iha haʼu-nia isin atu haʼu la sai foti an demais. Ai-tarak neʼe hanesan anju ida hosi Satanás neʼebé kontinua basa haʼu, atu nuneʼe haʼu labele  foti an demais. 2 Kor. 12:7

Bainhira ita hasoru susar,  ita bele hatete ba Diabu, hanesan saida mak Jose (Joseph) hatete ba nia Maun-alin sira ne'ebé fa'an nia sai atan: “Maski uluk imi intende atu halo aat ba haʼu, maibé Maromak intende ida-neʼe ba buat diʼak" (Gen. 50:20).

Kuidadu atu labele interpreta ida ne'e hanesan "Maromak uza buat aat ba di'ak" maibé Maromak intende ida ne'e ba buat di'ak ka keta hanoin katak Maromak troka buat aat ho buat di'ak, maibé Bíblia hatete "Maromak intende ida ne'e ba buat di'ak". Jose nia Maun-alin sira iha ojetivu ne'ebé aat, maibé Maromak nia ojetivu di'ak iha inisiu kedas, la'os Diabu halo aat ka fo'er mak Maromak ba hamoos tuir. Iha kondisaun saida de'it, Maromak sempre iha intensaun ne'ebé di'ak.

Ida ne'e savi ba ita nia konfortu bainhira ema aat no Diabu hamutuk halo ita sofre. Iha Kristu, ita iha direitu hatete ba Diabu no ema aat sira katak "imi intende atu halo aat ba haʼu, maibé Maromak intende ida-neʼe ba buat diʼak". La iha Diabu, moras no ema aat sira mak boot liu Na'i Maromak, so Na'i Maromak de'it mak boot. Na'i Maromak ne'e poderozu, loos no di'ak.

Na'i Jesus espresa Na'i Maromak Nia domin no Ninia kuida ba Ninia dixipulu sira no ita hotu katak: 

Ema faʼan manu-liin rua ho osan-besi ida neʼebé folin kiʼik, loos ka lae? Maibé imi-nia Aman hatene kuandu sira ida monu ba rai. Kona-ba imi, fuuk-lahan iha imi-nia ulun mós nia sura hotu. Tan neʼe, keta taʼuk. Imi folin-boot liu fali manu-liin barak" Mateus 10:29-31

La iha manu-liin ida monu ba rai se ida ne'e la'os Maromak Nia planu. La iha ajente kauzativu moras nian (virus, bakeria ka parazita) ida sei hada'et se Maromak la permiti.   Tan  ne'e mak Maromak ne'e poderozu.

Rona-ba saida mak Na'i Jesus hatete tuir mai: "Tan neʼe, keta taʼuk. Imi folin-boot liu fali manu-liin barak. Imi nia fuuk lahan hotu Maromak konta"

Tanbasá mak keta ta'uk? Tanba Maromak ne'e poderozu - karik ita moris ka mate - ita nia obrigasaun mak serbí Na'i Maromak ne'ebé santu, di'ak no loos. Iha Kristu, ita sai Maromak Ninia oan ne'ebé valór boot, " Imi folin-boot liu fali manu-liin barak"

Nia sekretu mak ne'e: hatene ba katak Na'i Maromak poderozu ne'ebé bele hapara terus oinoin (moras, sofrementu no terus saida de'it) ne'ebé ita hasoru iha ita nia moris, MAIBÉ LA HAPARA, Na'i Maromak ne'ebé hanesan  mós mak sustenta ita nia moris.

Na'i Maromak La'os de'it sustenta maibé haree buat hotu, midar no moruk serbisu hamutuk ba ita nia di'ak - ema di'ak sira ne'ebé  hadomi Maromak.

Konsidera Na'i Maromak Nia futarlia tuir mai:

Ita hatene katak Maromak halo ninia serbisu hotu laʼo ho loloos atu lori diʼak ba sira neʼebé hadomi nia, sira neʼebé nia bolu ona tuir ninia hakarak. 29 Tanba husi uluk kedas, nia hatene kona-ba sira neʼebé nia atu hili, no nia deside katak sira sei sai nuʼudar ilas husi ninia Oan-Mane, atu nuneʼe ninia Oan neʼe sei sai nuʼudar oan primeiru iha ninia alin barak nia leet. 30 Liután neʼe, sira neʼebé nia hatene nanis ona atu hili mak sira neʼebé nia bolu; no sira neʼebé nia bolu mak sira neʼebé nia dehan katak sira ema loos sira. Ikusliu, sira neʼebé nia dehan katak ema loos mak sira neʼebé nia fó ona glória. Roma 8:28-30).

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

Génesis 50:20

Read More

Ita bele halai hosi Maromak no Nia Lia Loos?

Ema iha tendensia halai hosi Maromak no Nia Lia Loos.  Iha bíblia ita iha ezemplu di'ak rua, Adão no  Jonas.

Adão mak dahuluk ba buat hotu-hotu– Kriasaun, pekadu no halai hosi Maromak. Ita lee kona-ba oinsá Adão hó nia fen halai subar hosi Maromak iha Génesis 3:8.... 

“Liutiha tempu balu, sira rona Na'i Maromak nia lian bainhira nia laʼo iha jardín iha tempu loron malirin,  no mane neʼe no nia feen subar husi Na'i Maromak iha ai-hun sira-nia leet iha jardín" Génesis 3:8

Ita lee iha Jonas 1, Jonas mós tenta halai hosi Maromak. Nia hanoin Maromak iha Joppa, iha ne'ebé Maromak ko'alia hó nia, tan ne'e nia halai ba  Tarshish, tanba nia fiar katak Maromak la iha neebá. Maibé Maromak iha Nineveh, iha Tarshish, iha roo laran, iha tasi laran, iha ikan kiik no boot, etc.

Maromak ne'e  Omnipresent, katak Nia prezensa iha ne'ebé de'it iha tempu hanesan.

Karik Jonah  hela iha tasi laran ne'ebé kle'an tebes, Maromak mós iha neebá. Karik Nia sa'e ba Lalehan, Maromak mós sei hetan nia iha neebá. Karik Nia halo nia toba fatin iha rai laran ne'ebé dook no  nakukun, Maromak Nia naroman sei hetan nia, hanesan Hakerek iha Salmo  139.

Razaun ema halai hosi Maromak mak tanba Maromak ne'e Nia Loos absoluta!

Saida mak Loos absoluta? Loos absoluta mak Lia Loos ne'ebé loos nafatin iha tempu ne'ebé de'it no iha fatin hotu-hotu. Lia Loos ne'e loos ba ema ida nomós ba ema seluk.

Iha kazu dixípulu sira, sira halai hosi Na'i Jesus Nia dutrina.  Lisaun sira ne'ebé Na'i Jesus hanorin ne'e furak tebes tanba ida ne'e hanesan liafuan di'ak ne'ebé fó bensaun ba sira ne'ebé fiar no halo tuir. 

Na'i Jesus  ko'alia no enkoraje Nia dixípulu sira atu firmi iha sira nia fiar, maibé sira balu la fiar no lagosta.  Tan razaun neʼe, Jesus nia dixípulu barak fila fali ba buat neʼebé uluk sira halo no la laʼo tuir tan nia. Tan neʼe, Jesus hatete ba sira naʼin Sanulu-Resin-Rua: “Imi mós hakarak atu bá ka?” João 6:66-67. Ida ne'e mak akontese se ita hases an hosi Na'i Jesus Nia Lia Loos, ita sei fila fali ba buat sira ne'ebé ita uluk halo ne'ebé kontrariu hó Na'i Jesus Nia hanorin.

Oinsá hó ita? Ita sira ne'ebé lakoi ses hosi buat ne'ebé la loos, buat sira ne'ebé kontra bíblia nia hanorin, ikus mai sei halai hosi Lia Loos. Saida mak Lia Loos?  Lia Loos mak Maromak Nia futarlia (João 17:17).

Saida mak Hakerek iha bíblia, atu ita la gosta ka, ita lakoi estuda ka, buat ne'ebé Hakerek iha neebá sei la muda no mantein nune'e nafatin to'o loron ikus Na'i Jesus fila fali mai ba daruak tuir Nia promesa iha João 14:1-3

Ita bele koko halai hosi Maromak no Nia Lia Loos, maibé Lia Loos sei mantein nafatin no sei la muda to'o ita nia destinu to'o mai.

Mai ita tenta moris tuir Lia Loos Maromak nian no lalika tenta atu halai hosi Nia, tanba la iha ema Ida mak bele halai hosi Maromak tanba Nia omnipresence.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Génesis 3:8

Read More

Se Adão no Eva sira Nia oan mane hotu, Kain kaben ho se?

Ita lee iha Genesis 2:7 Kona bá kriasaun Adão,
Genesis 2:21-22 koalia kona-ba kriasaun Eva

Depois  Maromak fó instrusaun bá Adão no Eva atu multiplika no hakonu mundu ne'e. Maromak kria ema 2 de'it ( Adão no Eva) no hatete bá sira atu iha oan barak, maibé  eskritura mensiona  Adão no Eva nia oan mane tolu de'it Kain, Abel no Seth (Genesis 4:1,2,25).

Sé ita lee kontinua, iha Genesis 5:4 iha ne'eba hatete katak depois de sira hetan Seth, Adão Nia tinan 800 no nia iha oan feto no oan mane.

Iha Genesis 4:17 ita lee katak Kain toba hó Nia fen no hetan oan mane ida,  Enoch.

Entaun,  se ema dahuluk mak sira de'it, Kain kaben ho se? Klaru nia kaben ho Nia feton ida. Ida ne'e la midar mai ita nia tilun maibé Ida nee akontese.

To'o iha Tempu Abrão nian mós, iha Genesis 20:12 hatete Abrão kaben hó nia feton (half sister) Sarah.

Iha bíblia maioria sira temi oan-mane barak Liu duké oan feto. Purezemplu iha  Num. 1:5-15, Ezek. 48:1-29 mensiona kona-ba Jacob nia oan mane 12, serake Jacob nian oan mak ne'e de'it, Lae! Nia mós iha oan feto.

Iha tempu ita nian ema barak ona tan ne'e la iha razaun atu ema kaben ho sira Nia feton. Medikamente ida ne'e la saudavél no bele hamosu moras jenetik ba oan sira, tanba depois de monu ba sala, neneik-neneik ita nia kualidade gen sai fraku. Uluk iha inisiu bainhira, Maromak halo kriasaun dahuluk jenetikamente sira sei perfeitu no forti tan ne'e la hamosu moras jenetik hanesan tempu ita nian.

Ida ne'e mak hau nia hanoin, ita Ko'alia de'it konaba evidensia sira ne'ebé Hakerek iha bíblia, maibé iha buat balu ne'ebé dalaruma ita la hatene. Ita Ko'alia Kona-ba buat sira ne'ebé Maromak hatudu mai ita iha eskritura. Buat sira seluk ne'ebé lahatudu ne'e husik ba Maromak.

“As coisas encobertas pertencem ao Senhor , o nosso Deus, mas as reveladas pertencem a nós e aos nossos filhos para sempre, para que sigamos todas as palavras desta lei.Deuteronômio 29:29 NVI

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Génesis 1:27-28

Read More

Rona Maromak Nia lian

Ita Lee iha Genesis 3 kona-ba oinsá avo Eva monu bá sala.  Maromak bandu  sira labele haan ai-fuan hatene diak no aat. Antes haan ai-fuan ne'e Eva lahatene kona-ba diabu, pekadu, bosok, etc

Maibé mai ita, ita hatene kona-ba  buat sira ne'e hotu. Agradese  bá Maromak tanba ita iha bíblia ne'ebé sai ita nia matadalan, Espiritu Santu (Espiritu lia loos) ne'ebé sai ita nia mestri no Na'i Jesus hanesan ita nia Salvadór no advogadu mai ita.

Maibé, hanesan Eva, ita mós dala barak rona liu diabu nia liafuan duké Maromak nia  liafuan. Tanbasá?

Razaun ida mak dala barak ita rona liu diabu nia bosok liuhosi TV, internet, filem, livru sira,  magazines, ne'ebé  dala barak la konten Maromak Nia liafuan.

Mai ita rona Maromak Nia liafuan iha bíblia loron-loron.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Génesis 3:6

Read More