Bonita hosi li'ur no laran

Bonita ka bonitu hosi li'ur la halo ó bonita ka bonitu hosi laran. Absalom, liurai David ninia oan mane, nia bonitu tebes, maibé saida mak nia planu iha ninia laran aat tebes (2 Samuel 14:1–15:12).

Ema gasta tempu barak ba gymn, hairdressers, make-up, kompra ropa karung, no halo saida de'it atu halo sira nia aan bonita ka bonitu hosi li'ur. Maibé bonita ka bonitu hosi li'ur ladún importante, buat ne'ebé importante mak buat ne'ebé iha ita-nia laran. Ita presiza halo saida de'it atu ita-nia laran bonita ka bonitu.

Faktu mak ne'e: maioria hosi ema la kontenti ho oinsá sira-nia aan, kona-ba sira-nia penampilan. Iha Amerika ema gasta mazumenus biliaun 60 resin kada tinan atu hadi'a sira-nia penampilan, maibé ita hatene katak sasan sira ne'ebé ajuda ita halo bonita ka bonitu ne'e temporariu de'it.

Ema barak mak lahatene katak Bíblia ko'alia kona-ba oinsá halo bonita ka bonitu hosi laran (Inner beauty) ne'ebé dura iha tempu naruk.

Profeta Samuel revela kriteria oinsá atu hili liurai Ida. “Keta laran monu ba nia oin diak no nia ain aas nee, Hau la simu nia. Laos tuir ema nia haree maibee tuir Nai nia haree. Ema haree saida mak iha liur, maibee Nai haree ema nia fuan laran.” 1Samuel 16:7 BK

Iha Provérbio ita lee "Laran midar bele bosok no oin bonita mak saugati deit, maibee feto nebee hamtauk ba Nai sei simu liafuan nebee hasae nia” Provérbio 31:30 BK

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏