Oinsá atu salva ita-nia moris

Tanba ema ne'ebé hakarak salva ninia moris, sei lakon ninia moris ne'e; no ema ne'ebé lakon ninia moris, tanba Ha'u no tanba evanjelhu, nia sei hetan fali ninia moris ne'e. Marcos 8:35 BK

Marcos 8:35

Iha Marcos kapítulu 8, Jesus hanorin Ninia dixipulu sira kona-ba kustu ne'ebé loos atu la'o tuir nia. Antes versíkulu ne'e, Jesus ko'alia kona-ba nega an, foti krús, no la'o tuir nia. Nia hakarak sira atu komprende katak la fasil atu la'o tuir nia, maibé ida-ne'e sempre iha valor-boot. 

Kuandu Jesus hatete: "Ema hotu ne'ebé hakarak salva sira-nia moris sei lakon," Nia la ko'alia de'it kona-ba moris fiziku nian. Nia ko'alia kona-ba moris ba ita-nia an de'it - hanesan ita-nia komfortu, foti-an, no ita-nia hakarak rasik. Kuandu ema moris ba sira-nia an de'it no ignora Maromak, sira bele hetan ksolok temporariu de'it, maibé ikusmai sira lakon buat ne'ebé loos. 

Tuirmai Jesus fó promesa furak ida. Nia dehan katak ema ne'ebé prontu atu fó sira-nia moris ba Nia no ba Evanjellu sei salva sira-nia moris. Hodi "lakon moris ba Jesus" signifika tau Jesus uluk iha ita-niamoris. Ida-ne'e signifika ita hili obedese duké hanoin an de'it, hili fiar duké ta'uk, no hili Maromak duké ita-nia planu rasik. 

Hanorin ne'e haree hanesan difisíl, maibé ida-ne'e nakonu ho esperansa. Jesus la husu ita atu lakon ita-nia moris hodi la fó buat ne'ebé di'ak liu. Kuandu ita entrega ita-nia moris ba Jesus, ita simu moris foun ne'ebé nakonu ho ojetivu, dame, no esperansa rohan-laek. Ita hetan ksolok ne'ebé loos hodi moris ba Maromak no serbí ema seluk. 

Tuir Jesus, salva ita-nia moris katak tau fiar kompletamente ba Nia. Ne'e signifika fiar katak ninia dalan mak di'ak liu fali ita-nia dalan rasik. Kuandu ita la'o tuir Jesus, ita hatene saida mak moris ne'ebé loos. 

Kuandu ita hili atu fó ita-nia moris ba Jesus no halo tuir nia ho laran-metin, ita sei la lakon maibé ita sei hetan moris rohan-laek. Moris ba Kristu loroloron lori ita ho seguru iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏