Hamriik perfeitu no kompletu iha Nai

Epafras, nebee hosi imi nia leet no Kristu nia atan ida, foo kumprimentus ba imi. Nia sempre badinas atu halo orasaun ba Maromak kona ba imi, atu imi bele hamriik perfeitu no kompletu tuir Maromak nia hakarak hotu. Tanba hau foo sasin kona ba nia, katak nia iha hanoin makaas kona ba imi, no ba sira nebee iha Laodiseia no iha Hierápolis. Kolose 4:12-13 BK

Kolose 4:12

Moris kristaun la'ós de'it kona-ba hahú ita-nia fiar, maibé atu ita-nia fiar sai forte no maduru. Bíblia hatete katak Epafras mak Kristu nia atan ne'ebé fiél no halo orasaun maka'as ba ema fiar-na'in sira. Nia hakarak sira hamriik perfeitu no kompletu (Koloso 4: 12-13). Ida-ne'e katak ita bele sai maduru espiritualmente no firmi iha ita-nia fiar. 

Bíblia hanorin katak ema fiar-na'in sira tenke kontinua tau fiar ba Maromak, tau matan ba sira-nia fiar, no labele husik hela Evanjellu nia esperansa (Koloso 1:23). Kreximentu espirituál presiza komitmentu no perseveransa. 

Orasaun iha papél importante tebes iha kresimentu ne'e. Apóstolu Paulo mós halo orasaun atu ema fiar-na'in sira bele hetan koñesimentu kona-ba Maromak nia hakarak, la'o tuir Nai nia hakarak, no sai forsa tamba Nai nia kbiit (Koloso 1: 9-11). Liuhusi orasaun, Maromak ajuda ita atu krexe iha fiar no obedese ba Ninia hanorin sira. 

Moris kristaun mós hanesan funu espirituál ida. Bíblia hatete katak ita tenke forsa iha Nai no tau Maromak nia armamentu tomak atu nune'e ita bele hamriik metin hasoru buat-aat hotu (Efeso 6:10-18). Maromak hatene sira ne'ebé Ninian, no Maromak bolu Ninia povu atu hasees an husi hahalok-aat (2 Timoteo 2:19). 

Jesus mós bolu ninia dixipulu sira atu krexe iha domin no karakter. Maromak mós haruka ita tenke hadomi ita-nia inimigu sira no sai perfeitu hanesan ita-nia Aman iha lalehan mak perfeitu (Mateu 5:44, 48). Maturidade hanesan ne'e mai pasu pur pasu. Apóstolu Paulo rasik hatete katak nia rasik seidauk sai perfeitu, maibé nia kontinua luta atu atinji ojetivu ida ne'e (Filipe 3:12-15). 

Ita la krexe ho ita-nia forsa rasik. Maromak suporta no hametin ninia atan sira, hanesan Nia hamriik hamutuk ho apóstolu Paulo no fó forsa ba nia atu kontinua ninia misaun (2 Timoteo 4:17). 

Hmariik perfeitu no kompletu signifika mantein fiél, krexe iha domin, no tau fiar ba Maromak nia forsa loroloron. Bainhira ita kontinua krexe ita-nia fiar iha Kristu no firmi iha ita-nia fiar, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Konetividade iha igreja

Aristarco ha'u-nia maluk dadur fó kumprimentus ba imi, no Marcos, Barnabé nia primu (imi simu ona liafuan kona ba nia - se karik nia ba to'o imi, simu nia ho di'ak), No mós Jesus, nebee ema bolu Justo. Ema sira ne'e de'it mak hosi grupu sirkunsizaun. Sira mak ha'u-nia maluk servisu na'in sira ba Maromak Nia reinu, no sira fó kamaan mai ha'u. Kolose 4:10-11 BK 

Kolose 4:10-11

Maromak nia igreja la'ós atu sai ema izoladu ida. Bíblia hatudu katak igreja iha ligasaun di'ak ba malu hanesan família, iha ne'ebá ema fiar-na'in sira apoia no fó korajen ba malu iha serbisu evanjellu nian.

Iha apóstolu Paulo nia karta, nia komprementa ema fiar-na'in sira husi serbisu-nain ba Evanjellu balu ne'ebé hamutuk ho nia. Aristarkus, Marcos, no Jesus bolu Justus nu'udar maluk serbisu-nain ne'ebé ajuda no fo komfortu ba apóstolu Paulo durante ninia tempu susar sira (Koloso 4:10-11). Serbisu na'in ba Evanjellu sira-ne'e iha relasaun ba malu iha fé no serbisu haklaken nian. 

Iha kapítulu hanesan iha versikulu anterior, apóstolu Paulo mós ko'alia kona-ba Tikiku no Onesimo, ne'ebé lori mensajen no hametin igreja sira (Koloso 4: 7-9). Liuhusi sira, ema fiar-na'in sira iha fatin oioin nafatin informadu no hetan korajen. Ida-ne'e hatudu katak komunikasaun no kooperasaun importante tebes iha igreja iha tempu uluk. 

Maski nune'e, ligreja nia relasaun la sempre fasil. Iha tempu ne'ebá, Marcos husik hela Paulo no Barnabe durante sira-nia viajen misionáriu (Apos 13: 13). Ikusmai, ida-ne'e hamosu problema entre Paulo no Barnabe (Apos 15:36-40). Maibé istória ne'e mós hanorin katak Maromak bele serbisu liuhosi ema sira ne'ebé la perfeitu no restaura fali sira-nia relasaun ba ninia serbisu misaun nian. 

Bíblia mós fó-hanoin ema kristaun atu hamriik metin iha Nai no hamriik hamutuk hasoru dezafiu espirituál sira (Efeso 6: 10-11). Hanesan mós ho soldadu sira ne'ebé iha tropa laran, ema kristaun tenke serbisu hamutuk atu halo Maromak Nia misaun (2 Timoteo 2: 1-4). 

Apóstolu Paulo nia ministeriu haklaken nian inklui misionáriu sira ne'ebé fiél hanesan Epafras, Lucas, no Demas, ne'ebé apoia haklaken Evanjellu (Koloso 4: 12-14). Ligasaun sira-ne'e ajuda igreja krexe liután. 

Igreja nia konektividade katak fahe misaun ne'ebé hanesan, apoia malu, no serbisu hamutuk ba Maromak nia reiñu. Kuandu ema fiar-na'in sira nafatin iha unidade ho sira-nia fiar no serbí Maromak, igreja sai forte liután no bele ajuda sira atu haklaken Maromak nia mensajen ho efetivu. 

Bainhira ita nafatin iha ligasaun di'ak ba malu iha fiar no iha serbisu, ita kontinua la'o hamutuk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Lisaun kona-ba haklaken evanjellu

Tíkiko sei fó hatene ba imi kona-ba ha'u-nia atividade hotu. Nia mak alin doben ida ne'ebé ajuda ho fidelidade nu'udar maluk atan iha Nai. Ha'u haruka nia ba imi tanba razaun ne'e, katak imi bele hatene ami-nia situasaun no nia bele fó korajen ba imi-nia fuan laran. Nia ba hamutuk ho Onésimo, ami-nia alin doben ne'ebé fiél. Nia mak hosi imi-nia leet. Sira sei fó hatene ba imi kona ba buat hotu ne'ebé akontese iha ne'e. Kolose 4:7-9 BK

Kolose 4:7 

Alkansa ka halakon evanjellu ne'e importante tebes iha ema Kristaun nia moris. Maromak bolu Ninia povu la'ós de'it atu fiar ba Evanjellu, maibé mós atu fahe ba ema seluk. Iha Biblia, ita bele aprende lisaun importante kona-ba haklaken husi ema kristaun sira ne'ebé serbisu hamutuk ho apóstolu Paulo. 

Apóstolu Paulo ko'alia kona-ba serbisu-nain ida naran Tíkiko. Nia bolu nia nu'udar irmaun doben ida, nu'udar atan ne'ebé fiél, no nu'udar atan ida iha Nai (Koloso 4: 7). Tíkiko hetan fiar atu lori mensajen no fó korajen ba ema fiar-na'in sira iha igreja oinoin. Apóstolu Paulo mós haruka nia atu ajuda esplika ba membru igreja sira atu komprende kona-ba nia situasaun no hametin sira-nia laran (Efeso 6:21). 

Ema fiar-na'in seluk ida ne'ebé temi iha eskritura ne'e mak Onesimus, ne'ebé halo viajen hamutuk ho Tíkiko (Koloso 4:9). Uluk nia mak atan ida-ne'ebé halai tiha ona hosi nia patraun, maibé liuhusi Kristu nia moris transforma ona. Onesimus agora ema bolu nia nu'udar keridu irmaun ida-ne'ebé fiél. Ida-ne'e hatudu katak haklaken evanjellu ba ema seluk bele transforma moris. Kuandu ema simu mensajen Evanjellu, sira bele sai serbisu-nain ne'ebé forte ba Maromak. 

Bíblia mós hatudu katak haklaken ne'e bele alkansa liuhusi serbisu ekipa. Ema kristaun barak mak ajuda apóstolu Paulo nia serbisu misionáriu. Porezemplu, Tíkiko mak ema ida entre sira ne'ebé viajen ho apóstolu Paulo iha ninia serbisu haklaken nian (Apos 20: 4). Liutiha tempu balu, apóstolu Paulo haruka nia serbí no ajuda igreja sira iha fatin seluk (2 Timoteo 4:12; Tito 3:12). Ezemplu sira-ne'e hatudu katak Maromak Nia serbisu hala'o liuhusi Maromak Nia atan sira-ne'ebe fiél ne'ebé prontu atu serbí. 

Husi istória sira-ne'e ita aprende lisaun balu. Haklaken presiza hatudu fidelidade, koperasaun, no vontade atu ba fatin ne'ebé de'it Maromak haruka ba. Ida-ne'e mós fó-hanoin ita katak ema hotu ne'ebé hetan transformasaun iha sira-nia moris bele sai sasin ba Maromak. 

Ohin loron Maromak sei bolu Ninia povu atu fahe Ninia mensajen. Liuhusi liafuan, hahalok, ka korajen, ita bele ajuda ema seluk hatene kona-ba Kristu Nia domin. Kuandu ita ho fiél hola parte iha Maromak Nia misaun, ita kontinua la'o hamutuk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hamriik iha Maromak nia hakarak tomak

Fó agradese iha situasaun saida de'it. Tanba ne'e mak Maromak nia hakarak iha Kristu Jesus kona ba imi. 1 Tesalónika 5:18 BK 

1 Tesalónika 5:18 BK 

Bíblia hanorin katak parte ida husi Maromak Nia hakarak mak agradese. Iha situasaun hotu-hotu, di'ak ka aat, ita hetan konvite atu fó obrigadu ba Maromak. Agradese ba Maromak hatudu katak ita tau fiar ba Nia no fiar katak Nia serbisu hela iha ita-nia moris. 

Igreja iha inisiu iha tempu uluk fó ezemplu barak kona-ba ema ne'ebé serbí Maromak ho fiél. Iha Paulo nia karta, nia ko'alia kona-ba ajuda-na'in balu hanesan Tikiku, Onesimu, Aristarku, Marcos, Epafras, Lucas no Demas (Koloso 4:7-18; Efeso 6:21). Ema kristaun sira-ne'e serbisu hamutuk atu habelar evanjellu no apoia igreja. Sira-nia moris fó-hanoin ita katak hamriik iha Maromak Nia hakarak tomak, dala barak halo liuhusi serbí ema seluk. 

Maski nune'e, Maromak Nia serbisu-nain mós dalaruma la konkorda ba malu. Apóstolu Paulo no Barnabe uluk la konkorda kona-ba João Marcos, no sira fahe malu (Apos 15:36-40). Liutiha tempu balu, apóstolu Paulo hakerek katak Demas husik ona nia tanba nia hadomi liu mundu, no Lucas nafatin fiél, no Marcos mós ajuda nia iha serbisu haklaken (2 Timoteo 4:10-11). Ezemplu sira-ne'e hatudu katak ema ida-idak tenke hili serake sira hakarak fiél nafatin ba Maromak nia hakarak ka lae!

Bíblia mós fó-hanoin ita katak mundu ne'e sei la iha ba nafatin. Loron ida mundu ne'e sei lakon, no buat hotu ne'ebé iha ne'e atu di'ak ka aat sei hatudu sai hotu (2 Pedro 3:10-14). Tan ne'e, ita tenke moris santu no moris tuir Maromak Nia hakarak, atu ita prontu nafatin hodi hein Jesus Nia mai ba daruak ne'ebé bele akontese kualkér tempu.

Maromak bolu Ninia povu atu hamriik no sai naroman hodi nune'e ema bele haree Ninia glória iha sira-nia leet (Izaias 60: 1-3). Kuandu ita moris ho laran-di'ak no laran-metin ba Maromak, ita-nia moris sei sai naroman ne'ebé lori ema seluk ba Maromak. 

Hamriik iha Maromak Nia hakarak hotu katak tau fiar ba Nia, fó agradese iha situasaun hotu, no serbí Nia ho laran-metin to'o rohan. Bainhira ita moris ho agradese no obedese ba Ninia hanorin sira, ita kontinua la'o loroloron iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Renova koñesimentu kona-ba Maromak

Tanba buat sira ne'e hotu mak Maromak nia laran nakali sei mai. Uluk imi la'o tuir buat sira ne'e bainhira imi moris hanesan ne'e. Maibé agora imi tenki hasai tiha buat hotu ne'e: laran hirus, laran nakali, hahalok aat, koalia aat no keta husik liafuan fo'er sai hosi imi-nia ibun. Keta bosok malu tanba imi hasai tiha imi-nia aan tuan hamutuk ho hahalok sira ne'e, no imi hatais ona imi-nia aan foun, nebee sai foun fali iha matenek tuir Ninia Kriadór Nia ilas. Agora la iha ema Gregu ka ema Judeu, ema ne'ebé hetan sirkunsizaun ka la hetan sirkunsizaun, ema ho lian seluk, atan ka ema livre; maibé Kristu mak hotu no iha hotu. Kolose 3:6-11 BK 

Kolose 3:8

Bíblia hanorin katak moris kristaun mak kona-ba mudansa ida. Maromak bolu ita atu husik ita-nia "hahalok aat" no tau moris foun iha Kristu (Koloso 3: 9-10). Mudansa ne'e la'ós de'it iha li'ur, maibé hahú iha laran no iha neon. 

Ita-nia hahalok tuan neʼe iha ligasaun ho pekadu. Bíblia hatete katak ita-nia hahalok uluk nian krúsifika hamutuk ho Kristu atu nune'e ita labele sai tan atan ba sala (Roma 6: 6). Tan ne'e, ita tenke hasai tiha hahalok sala nian hanesan hirus, bosok, no odi (Koloso 3: 8-9; Levitico 19: 11, 18). 

Porezemplu, ita presiza kontrola ita-nia hirus. Bíblia hanorin ita atu rona lalais, ko'alia neneik, no labele sai hirus lalais, tanba ema nia hirus la hamosu Maromak nia hahalok loos (Tiago 1: 19-20). Jesus rasik mós hatudu katak, hirus tenke gia hosi lia loos, hirus so tamba kontra hahalok neʼebé la loos. (Mark 3:5). 

Maromak bolu ita atu hasai ita-nia pekadu hanesan hasai ropa fo'er. Eskritura hatete katak Maromak hasai tiha ita-nia roupa fo'er no hatais ita ho roupa ne'ebé moos (Zacarias 3: 4). Ida-ne'e hatudu katak Maromak halo transformasaun iha ita-nia moris. 

Transformasaun ne'e akontese liuhusi koñesimentu kona-ba Maromak no Ninia lia-loos. Bainhira ita haree Nia, ita transforma ba Ninia ilas husi glória ba glória (2 Korinto 3: 18). Kuandu ita aprende liután kona-ba Maromak, ita sei sai hanesan Nia. 

Biblia mós haruka ita atu halakon ita-nia dalan moris uluk nian, hodi hetan moris foun iha ita-nia atitude, ita-nia neon iha lia-loos no moris santu (Efeso 4:22-24). 

Iha moris foun ida-ne'e, la iha divizaun, la iha bareira tamba rasa, status sosiál, ka background tanba Kristu mak buat hotu no iha buat hotu (Koloso 3: 11). 

Transformasaun ida-ne'e ajuda ita prepara an ba julgamentu ne'ebé sei mai, bainhira ema ne'ebé rejeita Maromak sei koko atu subar an husi Maromak nia prezensa (Apokalipse 6: 16). Maibé sira ne'ebé hetan renovasaun iha Kristu bele hamriik metin nafatin ko konfiansa. 

Bainhira ita kontinua krexe iha koñesimentu kona-ba Maromak no husik nia transforma ita-nia moris, ita sei la'o ho laran-metin loroloron iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hakotu hahalok mundu nian

Oho de'it imi-nia parte ne'ebé mai hosi mundu: sala seksuál, hahalok la moos, hakarak ne'ebé la loos, kaan buat aat, no kaan sasaan, mak hanesan adora ídulu. Tanba buat sira ne'e hotu mak halo Maromak Nia laran nakali sei mai. Kolose 3:5-6

Kolose 3:5

Bíblia bolu ema kristaun atu hakotu sira-nia hahalok tuan nu'udar ema sala-na'in. Apóstolu Paulo hatete katak ita tenke "hamate" buat hotu ne'ebé partensi ba buat mundu nian (Koloso 3:5). Ida-ne'e katak ita tenke hasees an husi hakarak no toman sala-na'in ne'ebé haketak ita husi Maromak. 

Tanbasá mak ida-ne'e importante? Tanba pekadu rezulta ba Maromak Nia julgamentu. Bíblia hatete katak Maromak Nia hirus sei mosu hasoru ema hotu ne'ebé hahalok-aat (Roma 1: 18). Kuandu ema kontinua halo sala, Maromak husik sira halo tuir sira-nia hakarak sala nian, ne'ebé halo sira sai aat liután (Roma 1:24, 26-27). Ida-ne'e hatudu oinsa Maromak haree sala hanesan buat ne'ebé seriu iha Ninia oin. 

Maibé Maromak bolu ema fiar-na'in sira atu labele hela nafatin iha hahalok sala. Bíblia hanorin katak kuandu ita simu Kristu, ita-nia hahalok tuan pekador nian krusifika ona hamutuk ho Kristu atu nune'e ita labele sai tan atan ba sala (Roma 6: 1-7). Ita hetan ona moris foun, no Maromak bolu ita atu moris diferente ho ema mundu nian. 

Tanba moris foun ne'e, ita tenke tau ita-nia laran ba buat sira iha leten, la'ós ba buat sira iha mundu (Koloso 3: 1). Ita labele fokus ba ksolok temporariu sira, maibé kona-ba buat ne'ebé rohan-laek nian, buat lalehan nian.

Bíblia mós fó-hanoin ita katak loron julgamentu nian sei to'o mai (2 Kor 5:10). Ema ne'ebé la simu Maromak Nia hanorin sei koko atu subar an husi Ninia prezensa, maibé sira sei labele halai ses husi Ninia hirus (Apokalipse 6: 16-17). Maromak Nia liafuan ne'e bolu ita atu hasees an husi sala ne'ebé ita halo agora. Agora kedas, la aban, la semana oin, la fulan oin ka tinan oin. Agora kedas!

La fasil atu hapara hahalok mundu nian, maibé ida ne'e nesesariu. Liuhusi Maromak Nia ajuda, ita bele husik hahalok sala-na'in no moris hodi halo Maromak kontente. Bainhira ita hili moris santu no hateke ba lalehan, ita kontinua krexe iha fé no la'o ho laran-metin iha dalan ba lalehan.

Kolose 3:5

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hanoin lalehan nian

Se imi moris hias ona hamutuk ho Kristu, buka buat sira nebee iha leten, iha fatin nebee Kristu tuur iha Maromak nia liman loos. Hanoin deit buat nebee iha leten, laos buat nebee iha mundu. Tanba imi mate ona, no imi nia moris subar ona hamutuk ho Kristu iha Maromak. Bainhira Kristu, nebee ita nia moris, mosu mai, entaun imi mos sei mosu mai hamutuk ho Nia iha glória. Kolose 3:1-4 BK

Koloso 3:1

Bíblia bolu ema kristaun sira atu foka sira-nia moris iha lalehan. Tanba ita moris hi'as ona hamutuk ho Kristu liuhusi fé, nune'e ita-nia moris la'ós ona foka tan ba buat mundu ne'e nian (Koloso 3: 1, Koloso 2:12-13). Agora ita mak Maromak nian, no ita-nia hanoin no hakarak sira tenke dirije ba lalehan. 

Ita hanoin kona-ba lalehan, la signifika haluha ita-nia responsabilidade loroloron nian. Maibé ne'e signfika ita haree buat hotu husi Maromak Nia perspetiva. Ita hanoin katak mundu ne'e temporariu, maibé Maromak Nia promesa sira sei iha ba nafatin (Koloso 3: 4). 

Salmista fó-hanoin ita atu foti ita-nia matan ba Nai, tanba ita-nia ajuda mai husi Nia, Maromak ne'ebé kria lalehan no rai (Salmo 121: 1-2). Kuandu ita fokus ba Maromak, ita bele hetan forsa, matadalan no dame maski iha tempu susar. 

Moris iha rai bele iha dezafiu barak tebes. Karik ita sente kole, deskorajen, ka fraku. Maibé Biblia fó korajen mai ita, atu la lakon esperansa, tanba maski ita-nia moris iha li'ur hetan estraga, maibé ita-nia laran hetan renovasaun hosi loron ba loron (2 Korinto 4:16). Maromak serbisu iha ita-nia laran, prepara ita ba moris rohan-laek.

Ema ne'ebé tau nia hanoin iha lalehan, sira moris ho esperansa. Sira la'ós de'it buka susesu , rikusoin, ka ksolok mundu nian. Sira buka buat ne'ebé halo Maromak kontente. Sira investe iha buat ne'ebé iha folin ba eternidade, hanesan fiar, domin, obedese no serbí Maromak. 

Bainhira ita-nia laran foka ba lalehan, ita-nia moris komesa muda. Ita-nia prioridade sira sai klaru liután. Ita-nia desizaun sai matenek liután. Ita-nia esperansa sai forte liután. 

Bainhira ita fiksa ita-nia laran ba buat sira ne'ebé iha leten no tau fiar ba Maromak loroloron, ita kontinua krexe iha fé no la'o ba oin iha dalan ba lalehan.

Koloso 3:1

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hala'o moris ho matenek

Moris ho matenek kle'an ho sira ne'ebé iha liur, no uza didi'ak tempu ne'ebé sei iha. Sempre ko'alia ho grasa, no tau masin uitoan, atu nune'e imi bele hatene oinsa atu hatán ba ema ida-idak. Kolose 4:5-6 BK 

Kolose 4:5

Bíblia hanorin katak ema fiar-na'in sira tenke moris ho matenek, liuliu iha ema ne'ebé seidauk hatene Maromak (Koloso 4:5). Ema seluk haree ita-nia hahalok, no hahalok sira ne'e bele halo ema hakbesik liután ba Maromak ka halo sira dook liután hosi Maromak. 

Eskritura alerta katak kuandu Maromak Nia povu moris iha dalan ne'ebé la loos, bele hafo'er Ninia naran iha ema seluk nia leet (Roma 2:24; Isaias, 52:5). Ida-ne'e signifika katak ita-nia hahalok la'ós de'it kona-ba ita-nia an, maibé mós afeta oinsá ema seluk haree Maromak. Kuandu ita moris arbiru de'it, ida-ne'e bele halo ema ko'alia aat kona-ba lia-loos Maromak nian (2 Pedro 2: 2). 

Tan ne'e mak importante tebes atu la'o ho sabedoria ka matenek. Sabedoria signifika hili saida mak loos iha Ita-nia asaun, liafuan, no atitude. Ida-ne'e katak ita uza oportunidade hotu atu refleta Maromak Nia karakter iha ita-nia moris loroloron nian (Koloso 4:5). 

Ita-nia liafuan mós importante. Bíblia hatete katak ita-nia liafuan sira tenke nakonu ho grasa "tempera ka tau ho masin" (Koloso 4: 6). Ida-ne'e katak ita-nia liafuan sira tenke di'ak, ajuda ema, no nakonu ho valór moris nian. Ita tenke ko'alia iha dalan ne'ebé bele hametin ema seluk no hatudu lia-loos Maromaknian. 

Maromak mós bolu ema fiar-na'in sira atu moris ho laran-moos no hatudu respeitu ba Maromak Nia Liafuan atu nune'e ema labele hakribi Ninia Liafuan (Tito 2:5). Moris tuir Maromak Nia hakarak sai sasin ne'ebé forte. Karik ema la sempre rona ba buat ne'ebé ita hatete, maibé sira sei haree oinsá ita hala'o ita-nia moris. 

Moris ho matenek katak moris ho kuidadu, ko'alia ho laran-di'ak, no reprezenta Maromak iha buat hotu ne'ebé ita halo. Kuandu ita-nia moris refleta Maromak Nia lia-loos, ita sai naroman ba ema seluk. 

Kuandu ita la'o ho matenek loroloron, ita-nia moris sei fó onra ba Maromak no ajuda lori ema seluk atu la'o iha dalan ba lalehan.

Kolose 4:5

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Halo orasaun ba malu

Imi tenki badinas iha orasaun. Matan moris ba iha orasaun ho agradese. Ho ida ne'e, halo orasaun mós kona-ba ami, katak Maromak sei loke odamatan ba ami hodi haklaken, atu fó sai Kristu Nia mistériu. Tanba nee mak hau iha komarka. Halo orasaun katak hau bele koalia ho klaru, tanba tuir lo-loos hau tenki koalia hanesan ne'e. Kolose 4:2-4 BK 

Kolose 4:2

Orasaun mak parte importante ida iha ema Kristaun nia moris. Bíblia fó korajen ba ema kristaun atu dedika sira-nia an atu halo orasaun, atu matan-moris nafatin no agradese bainhira sira halo orasaun (Koloso 4: 2). Orasaun la'ós buat ne'ebé ita halo de'it bainhira ita hasoru problema ruma. Orasaun mak buat ne'ebé ita tenke halo loroloron ho fiél. 

Apóstolu Paulo mós fó-hanoin ema kristaun atu halo orasaun ba malu. Maski apóstolu Paulo mak misionáriu boot ida, maibé nia mós husu ema seluk atu halo orasaun ba nia (Koloso 4: 3). Ida-ne'e hatudu katak ema fiar-na'in hotu presiza suporta malu liuhusi orasaun. 

Apóstolu Paulo husu ba igreja atu halo orasaun hodi Maromak loke odamatan atu fó sai Kristu nia mensajen (Koloso 4: 3). Evanjellu ne'e habelar depende ba Maromak nia podér. Kuandu ema fiar-na'in sira halo orasaun, Maromak bele kria oportunidade atu sira bele fahe lia-loos ba ema seluk. 

Apóstolu Paulo mós husu orasaun atu nia bele haklaken ho klaru kona-ba Kristu Nia mensajen (Koloso 4: 4). Ida-ne'e hanorin ita katak haklaken evanjellu presiza korajen, sabedoria no matadalan husi Maromak. 

Halo orasaun ba malu hametin igreja. Kuandu ita halo orasaun ba ita-nia família, ulun-nain sira, no maluk fiar-na'in sira seluk, ita ajuda lori todan hamutuk iha Maromak nia oin. Orasaun lori unidade no fó-hanoin ita katak ita depende ba Nai iha buat hotu. 

Maromak rona bainhira Ninia povu halo orasaun. Liuhusi orasaun, Maromak fó kbiit, matenek, no oportunidade foun ba Ninia serbisu. Bainhira ita halo orasaun ho fiél ba malu no halo orasaun atu habelar Evanjellu, ita sai parseiru iha Maromak nia serbisu. 

Liuhosi dalan ne'e, orasaun ajuda fo matadalan ba ita no ema seluk nia moris, bainhira ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Atitude ema Kristaun iha serbisu fatin

Patraun sira, halo buat neʼebé justu no di'ak, tanba imi hatene katak imi mós iha Patraun ida iha lalehan. Kolose 4:1 BK. 

                                     Kolose 4:1

Serbisu mak parte importante ida iha ita-nia moris loroloron nian, no Biblia fó matadalan kona-ba oinsá ema kristaun nia atitude iha serbisu fatin. Eskritura hanorin katak serbisu-nain sira tenke halo tuir sira-nia patraun iha mundu la'ós de'it kuandu patraun haree sira, maibé ho laran-moos no respeitu tanba sira hamta'uk Nai (Koloso 3:22). Ida-ne'e katak ema kristaun tenke serbisu ho laran-moos maski la iha ema ida mak hateke. 

Bíblia mós hanorin katak buat saida de'it ne'ebé ita halo, ita tenke halo ho ita-nia laran tomak hanesan ita serbí Nai, la'ós ema (Koloso 3:23). Kuandu ita haree ita-nia serbisu nu'udar serbisu ba Maromak, ida-ne'e troka ita-nia atitude. Ita sai responsavel liu, onestu liu, no badinas liután. 

Maromak promete katak ema ne'ebé serbí Maromak ho fiél, sei simu kolen husi Nia, tanba loloos ne'e sira serbí Kristu (Koloso 3:24). Iha tempu hanesan, Eskritura mós fó avizu katak ema ne'ebé halo sala mós sei hetan konsekuénsia hosi sira-nia hahalok, tanba Maromak la hatudu favoritismu (Koloso 3:25). 

Bíblia mós ko'alia ba ema ne'ebé iha podér atu ukun ema seluk. Mestre ka empregadór sira hetan instrusaun atu hatudu hahalok loos no justisa ba sira-nia serbisu-nain sira, tamba sira mós iha Nai ida iha lalehan (Koloso 4: 1). Ida-ne'e signifika katak patraun sira labele halo abuza podér ka la justu. Duke halo nune'e, sira tenke hatudu justisa no respeitu. 

Hanorin sira-ne'e hatudu katak Maromak hanoin kona-ba oinsá ita trata malu iha serbisu-fatin. Maski ita mak traballador ka patraun ida, ita-nia hahalok tenke reflete onestu, justisa, no respeitu. 

Kuandu ita serbisu ho integridade no trata ema seluk ho justu, ita-nia serbisu loroloron nian sai dalan ida atu hahi'i Maromak. Hodi halo nune'e, ita-nia serbisu-fatin mós bele sai fatin ne'ebé ita aplika ita-nia fiar no kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Aprende obedese iha familia

Oan sira, halo tuir imi-nia inan-aman iha buat hotu, tanba ida ne'e halo Nai kontenti. Kolose 3:20 BK 

Kolose 3:20

Maromak dezeña atu familia ka uma sai fatin primeiru atu labarik sira aprende obedese no respeitu. Bíblia hanorin ho klaru katak oan sira tenke halo tuir sira-nia inan-aman tanba ida-ne'e halo Nai kontente (Koloso 3: 20). Labarik sira ne'ebé obedese iha uma-laran, ajuda sira sai ema-boot ne'ebé matenek no iha responsabilidade. 

Inan-aman mós iha responsabilidade importante. Inan-aman tenke dirije didi'ak sira-nia oan. Bíblia hatete katak inan-aman tenke hanorin oan sira kona-ba dalan ne'ebé nia tenke ba, no kuandu nia boot ona, nia sei la husik dalan ne'e (Proverbios 22: 6). Ida-ne'e signifika hanorin labarik sira atitude ne'ebé di'ak, hanorin sira valor diak sira, no dalan Maromak nian bainhira labarik sira sei ki'ik kedas. 

Labarik sira ne'ebé moris mai la hatene saida mak loos. Bíblia esplika katak labarik sira moris mai beik, maibé hanorin dixiplina ho domin sei ajuda sira atu hetan matenek (Proverbios 22:15). Dixiplina, bainhira halo ho domin, ajuda labarik sira atu aprende kontrola an no respeitu. 

Maromak mós haruka inan-aman atu hanorin ninia Liafuan iha uma. Bíblia haruka inan-aman sira atu halo tuir Maromak Nia mandamentu sira iha sira-nia laran no hanorin mandamentu sira ne'e ba sira-nia oan durante sira-nia moris loroloron nian: kuandu sira tuur iha uma, la'o iha dalan, toba no hamriik (Deuteronomio 6: 6-7). Ho ida-ne'e, labarik sira krexe hatene Maromak no Ninia dalan sira. 

Iha tempu hanesan, Jesus mós hatudu domin boot ba labarik sira. Nia hatete: “Husik labarik kiik sira ne'e hakbesik mai Ha'u, no keta bandu sira. Tanba ema hanesan labarik sira ne'e mak sai Maromak Nia reinu.” Mateus 19:14. Labarik sira iha folin-boot iha Maromak Nia oin. 

Bíblia mós fó-hanoin oan sira atu rona ba sira-nia aman nia hanorin no la husik sira-nia inan nia hanorin (Proverbios 1: 8-9). Hanorin sira-ne'e sai hanesan koroa matenek nian no sai nu'udar bénsaun ba sira-nia moris. 

Kuandu inan-aman hanorin ho domin no oan sira aprende atu halo tuir, sira-nia uma sai fatin ne'ebé fé bele krexe. Familia hanesan ne'e prepara labarik sira atu moris ho matenek no la'o ho laran-metin ba Maromak iha dalan ba lalehan.

                                  Kolose 3:20

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Lalaok la'en no feen tuir Biblia nia hanorin

Feen sira, hakruuk ba imi nia laen, tanba ida nee diak iha Nai. Laen sira, hadomi imi nia feen, no keta siak sira. Kolose 3:18-19 BK 

Kolose 3:18-19

Bíblia hanorin katak moris kaben-na'in sira nian mak relasaun ne'ebé sagrada dezeña hosi Maromak. Iha kazamentu, la'en no feen tenke moris ho domin, respeitu, no haraik-an. Eskritura fó-hanoin ba fiar-na'in sira atu hatudu respeitu ba malu tamba Kristu (Efeso 5:21). Ne'e signifika katak parseiru na'in rua tenke hatudu haraik-an no tau matan ba malu. 

Feen sira hetan korajen atu hatudu respeitu no apoia sira-nia la'en (Efeso 5:22-24; Koloso 3: 18). Ne'e la dehan katak sira ladún iha valór. Iha Maromak nia oin, mane no feto sira iha folin-boot. Feen no laen tenke serbisu hamutuk ho harmonia hodi obedese ba Maromak nia ukun-fuan iha família laran. 

La'en sira hetan responsabilidade sériu. Bíblia haruka la'en sira atu hadomi sira-nia feen hanesan Kristu hadomi igreja no fó Nia an ba igreja (Efeso 5:25). Domin ne'e la'ós de'it ba an rasik, maibé ne'e mak domin sakrifísiu, pasiénsia no protetivu. La'en sira tenke hatudu laran-sadi'a ba sira-nia feen no hatudu respeitu ba sira (1 Pedro 3: 7). 

Uma-kain tenke refleta Maromak Nia karakter. Bainhira la'en sira hatudu domin no feen sira hatudu respeitu ba sira, família sai fatin ba dame no forsa. Bíblia mós hanorin katak ema kristaun tenke hatudu hahalok-di'ak iha buat hotu iha sira-nia moris, atu nune'e ema bele fo onra ba Maromak Nia hanorin (Tito 2: 7-10). 

Instrusaun Biblia nian ne'e la'ós atu kontrola ka estraga ema ida. Instrusaun sira ne'e ajuda família sira atu moris tuir orden, respeitu, no tau matan ba malu. Kuandu la'en no feen halo tuir Maromak Nia matadalan, sira-nia relasaun sai forte liután no refleta Kristu nia domin. 

Kaben la'ós de'it kona-ba moris hamutuk, maibé kona-ba serbí Maromak hamutuk. Bainhira la'en no feen halo tuir ninia Liafuan, sira-nia uma sai fatin ne'ebé sira-nia fiar sai boot liután no Maromak hetan onra. 

Família sira hanesan ne'e sai nu'udar ezemplu di'ak kona-ba Maromak nia dezeña konaba uma kain ideál no fó matadalan ba malu atu nafatin la'o iha dalan ba lalehan.

Referensia: 5:21-6:9, Koloso 3:18-4:1, Tito 2: 1-10, no 1 Pedro 2:18-3:7 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak buka ema iha fatin hotu

Tanba maski ema la haree ho matan buat ne'ebé Maromak nian, katak Ninia kbiit rohan laek no Ninia karakter nu'udar Maromak, sira sei bele hatene mo-moos. Tanba dezde Nia kria mundu, ema bele kompriende buat sira nee liu hosi buat ne'ebé Nia halo ona. Nune'e ema la iha razaun atu la fiar. Roma 1:20 BK 

Roma 1:20

Ema barak husu pergunta hanesan ne'e: Se ema portugés, ema Arab, ema indianu ka Xina nunka mai iha ita-nia rai, ita-nia bei'ala sira sei fiar nafatin ba Maromak ka lae? 

Bíblia hanorin katak husi tempu uluk kedas Maromak kria ema atu hatene Nia. Bainhira Maromak kria mundu, Adão no Eva iha relasaun ne'ebé besik ho Maromak. Maibé kuandu sala tama ona iha mundu, relasaun ne'e aat ona. Maski nune'e, Maromak nunka para atu buka ema sala na'in hotu. 

Bíblia hatete katak natureza rasik hatudu katak Maromak ezisti. Kuandu ema hateke ba lalehan, haree ba loro-matan, foho no tasi, sira bele hatene katak iha Kriador ne'ebé poderozu. Tan ne'e mak kuaze iha kultura hotu iha mundu iha fiar ba kbiit boot ida. 

Maibé hatene katak Maromak ezisti de'it la sufisiente. Karik ema sente katak iha Kriador ida, maibé karik sira la hatene Ninia karakter ka Ninia planu ba oinsa ema bele hetan salvasaun. Tan ne'e, Maromak haruka Ninia ema sira atu fahe lia-fuan di'ak ka evanjellu. Iha Evanjellu Mateus 28:19, Jesus haruka Ninia dixipulu sira atu ba haklaken evanjellu ba nasaun hotu. 

Tuir hanorin Biblia sagrada nian ita komprende katak Maromak dirije istória mundu nian atu nune'e mensajen salvasaun ne'e bele to'o ba nasaun hotu molok Jesus mai ba dala rua. 

Tan ne'e, pergunta importante liu mak la'ós se mak lori uluk Evanjellu ba ita-nia rai. Pergunta ne'ebé loos mak: Oinsa mak ita hatán ka responde ba Maromak Nia mensajen ohin loron? 

Maromak sei nafatin buka ema iha fatin hotu. Nia konvida ita ida-idak atu hatene Nia liuhusi Jesus Kristu no la'o ho laran-metin iha Ninia lia-loos. 

Ha'u espera katak devosaun ne'e sei enkoraje ita atu nafatin fiél bainhira ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fé ne'ebé la ho asaun = mate

Tanba hanesan isin lolon ne'ebé la iha espíritu mak mate, nune'e mós fiar ne'ebé la iha asaun mak mate. Tiago 2:26 BK 

Tiago 2:26 

Bíblia hanorin katak fé ne'ebé loos, tenke aplika iha oinsá ita hala'o ita-nia moris. Apóstolu Tiago esplika katak fiar ne'ebé la ho asaun mak hanesan isin ne'ebé la iha espíritu - ne'e mak mate (Tiago 2:26). Ida-ne'e signifika katak fiar ne'ebé loos ba Maromak sempre lori asaun di'ak sira. 

Ema barak dehan katak sira fiar Maromak, maibé sira-nia moris la hatudu ida-ne'e. Bíblia fó-hanoin ita katak la to'o atu dehan de'it katak ita iha fiar. Ita-nia hahalok tenke hatudu ita-nia fiar (Tiago 2:17). Kuandu ita-nia fiar ne'e loos, ida-ne'e sei ajuda ita atu halo desizaun, ajuda ita iha ita-nia liafuan sira, no ajuda oinsá ita trata ema seluk. 

Jesus mós hanorin katak ita bele hatene ai-huun ida hosi sira-nia fuan (Mateus 7:16-20). Hanesan ne'e mós, ema sei hatene fiar-na'in ida liuhusi sira-nia hahalok di'ak ne'ebé mai husi laran ne'ebé fiél. Hahalok di'ak la salva ita, maibé hahalok di'ak hatudu katak ita-nia fé moris. 

Bíblia hatudu ezemplu kona-ba Abrão. Ninia fiar prova bainhira nia halo tuir Maromak no prontu atu sakrifika ninia oan-mane Isaac (Tiago 2:21-22). Ninia asaun hatudu katak nia fiar duni Maromak. 

Maromak bolu Ninia povu la'ós de'it atu fiar, maibé mós atu moris tuir Ninia hakarak. Apóstolu Paulo hatete katak ema kristaun sira mak kria iha Kristu Jesus atu halo buat di'ak sira (Efeso 2: 10). Hahalok di'ak sira-ne'e mak rezultadu husi moris ne'ebé transformadu hosi Maromak. 

Kuandu ita tau fiar ba Maromak, ita-nia fiar ema bele haree liuhusi domin, laran-di'ak, obedese no serbí ema seluk. Hahalok sira-ne'e hatudu katak ita-nia fiar ne'e moris no ativu.

Fiar ne'ebé moris, la'ós liuhusi ko'alia de'it - maibé liuhusi pratika fiar ne'e loroloron. Kuandu ita hatudu ita-nia fiar liuhusi hahalok di'ak sira, ita kontinua la'o ho laran-metin iha Dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Sinál santu ida kona-ba ita-nia relasaun ho Maromak

No halo santu Ha'u-nia loron Sábado hodi loron sira ne'e bele sai sinál ida entre Ha'u no imi. Nune'e imi bele hatene katak Ha'u mak Nai, imi-nia Maromak.’ Ezekiel 20:20 BK 

Ezekiel 20:20 

Maromak fó sábado hanesan sinál espesiál entre Nia no Ninia povu (Ezequiel 20:20). Ne'e hanesan sinal sagrada ida katak ita partensi ba Maromak no katak Nia mak ita-nia Kriador no Nai. Hodi hasantu loron Sabadu, ita hatudu domin no respeitu ba Nia. 

Husi tempu uluk kedas, Maromak haketak loron Sabadu. Depoisde kria mundu iha loron neen nia laran, Nia deskansa iha loron hitu no fó bénsaun ba loron sábado (Jenesis 2: 2-3). Loron sábado sai santu la'ós de'it atu deskansa, maibé mós atu hanoin Maromak Nia kbiit no laran-di'ak. 

Loron Sabado mós sai nu'udar sinál ba ita-nia relasaun ho Maromak. Kuandu ita fó onra ba loron Sabadu, ita rekoñese katak ita-nia moris mai husi Maromak no katak ita tau fiar ba Nia atu tau matan ba ita. Bíblia hanorin katak loron Sabado mak sinál ida entre Maromak no Ninia povu iha jerasaun hotu (Exodo 31: 16-17).  

Hasantu loron Sabadu la'ós de'it atu hapara serbisu. Sábado mak tempu atu adora Maromak, estuda Ninia Liafuan, no hakbesik liután ba Nia. Profeta Isaias hanorin katak ema ne'ebé fó onra ba loron Sabado sei hetan ksolok iha Nai (Isaias 58:13-14). 

Jesus rasik respeitu loron Sabado no hanorin ema signifikativu ne'ebé loos kona-ba Sábadu. Jesus hatete katak loron Sabado ne'e halo ba ema nu'udar bénsaun, la'ós nu'udar todan ida (Mark 2:27). Sábado ne'e mak prezente husi Maromak atu ita bele deskansa iha ita-nia moris no renova ita-nia vida espirituál. 

Kuandu ita halo tuir ho laran-metin loron Sabadu santu, ida-ne'e fó-hanoin ita katak ita mak Maromak nian no katak Nia mak ita-nia Salvador no Kriador. Ida-ne'e sai nu'udar sinál furak ba ita-nia relasaun ho Maromak. 

Bainhira ita fó onra ba loron santu ne'e, ida-ne'e hametin ita-nia fiar, atu bele kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More