Hau koriji no disiplina sira ne'ebé Ha'u hadomi. Entaun laran manas ba no arepende. Apokalipse 3:19 BK
Kuandu Jesus haruka mensajen ba igreja Laodiseia, Nia fó avizu no mós fó konvite. Nia dehan "Hau koriji no fó disiplina sira ne'ebé Ha'u hadomi" Ida-ne'e hatudu katak bainhira Maromak fo dixiplina ka korrije ita, ida-ne'e la'ós sinál katak Nia rejeita ita maibé sinál domin nian. Bainhira Maromak fó sai ita-nia sala sira, ne'e tanba Nia hakarak atu hadi'a fali ita-nia hahalok no lori ita ba dalan loos.
Antes versíkulu ne'e, Jesus esplika kona-ba igreja Laodiseia nia situasaun. Sira hanoin katak sira riku no iha buat hotu ne'ebé sira presiza, maibé realidade sira kiak, matan-delek no molik iha lia-loos (Apokalipse 3:17). Sira sente komfortavél no kontente, no sira haluha katak sira-nia presiza loloos mak Maromak.
Tan ne'e, Jesus bolu sira atu arrepende an. Arrepende an katak ita rekoñese ita-nia kondisaun espirituál, hasees an husi sala, no fila fali ba Maromak ho laran-moos. Arependementu ne'ebé loos, rekere zelozu - dezezu ne'ebé maka'as atu muda hahalok no halo tuir Kristu ho fiél.
Tuirmai, Jesus fó konvite furak ida: "Haree ba, Hau hamriik iha odamatan no dere." Se ema ruma rona Ninia lian no loke odamatan, Nia promete katak Nqaia sei mai hamutuk ho sira (Apokalipse 3: 20). Ida-ne'e hatudu katak maski ema fiar-na'in sira la'o ses hosi lia loos, maibé Kristu sei bolu sira fila fali ho pasiénsia.
Rezultadu finál hosi arrependementu mak rekompensa ne'ebé furak tebes. Sira ne'ebé manán tentasaun sei goza Kristu Nia vitória no ukun hamutuk ho Nia. Iha lalehan, kriasaun hotu adora Maromak, fó glória, onra no agradese ba nia tanba nia kria buat hotu (Apokalipse 4: 9-11). Anju barak no ema ne'ebé hetan salvasaun mós fó hahi'i ba Bibi-Oan ne'ebé merese atu hetan kbiit, rikusoin, matenek no kbiit (Apokalipse 5: 11-14).
Ida-ne'e fó-hanoin ita katak ita-nia ojetivu moris nian mak atu adora no hahi'i Maromak. Kuandu ita simu Maromak nia hase ka koresaun sira, arrepende an no fiél nafatin, ita prepara ita-nia an atu tuir adorasaun iha lalehan.
Maromak nia koresaun rezulta ba arrependementu no arrependementu rezulta ba rekompensa. Kuandu ita rona ba Ninia lian no hetán ho haraik-an, ita kontinua la'o ho laran-metin iha Dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment