Tanbasá mak Jesus Nia moris-hias importante ba ita-nia salvasaun?

No se Kristu la moris-hias ona, nune'e imi-nia fiar ne'e saugati deit, no imi sei hela iha imi-nia sala sira. 1 Korinto 15:17

Karik Ita-Boot husu: "Saida mak ligasaun entre Jesus nia moris-hias ho ita-nia pekadu sira?" 

                           1 Korinto 15:17

Resposta ba pergunta ne'e importante tebes. 

Jesus la'ós de'it hanorin ita oinsá atu moris ho di'ak. Nia mai atu salva ita husi sala. Nia mate iha kruz tanba ita-nia sala no Nia moris hi'as fali husi mate (1 Korinto 15: 3-4). 

Saida mak akontese, se Jesus nunka moris-hias? 

Hanoin to'ok katak Jesus mate iha loron Sesta no hela iha rate laran. Se nune'e, ita sei hasoru problema boot ida. 

Primeiru, se Jesus la moris-hias signifika mate manán ona. Jesus hatete katak Nia sei moris-hias fali (Mateus 16:21). Se Nia hela iha rate laran, Ninia promesa ne'e falla ona. 

Segundu, se Jesus la moris-hias, ita la iha evidénsia katak Ninia sakrifísiu halakon ona sala no mate. Moris-hias hatudu katak Jesus moris no Ninia serbisu atu salva ema aseitadu no hetan vitoria kontra mate. 

Paulo hatete katak se Kristu la moris-hias, ita-nia fiar sei sai mamuk no ita sei iha ita-nia sala laran to'o agora (1 Korinto 15: 14-17). 

Tanbasá? 

Tanba se Jesus mate nafatin, sei la iha salvadór moris ida ne'ebé bele salva ita, la iha vitória hasoru mate, no la iha esperansa atu moris hi'as fali. Se Jesus la moris-hias, ita-nia fiar sei hanesan tau fiar ba ema ne'ebé promete atu salva ita maibé nunka fila fali mai. 

Maibé Jesus moris hi'as duni! 

 Pedro haklaken: 

 "Maromak halo Jesus ne'e moris-hias ona. No ami hotu sai sasin kona ba ida ne'e." Apostolu 2:32.

Bainhira Jesus moris-hias, ida ne'e hatete mai ita katak Jesus moris hela. Nia la'ós mestre ne'ebé mate. Nia mak ita-nia Salvador ne'ebé moris. 

No tanba Jesus moris, ohin ita bele hetan perdua. João hatete: "Hau-nia oan doben sira, hau hakerek buat sira ne'e ba imi atu nune'e imi la bele halo sala. Maibé se ema ida halo sala, ita iha Ajudadór ne'ebé hamutuk ho Aman. Nia mak Jesus Kristu ne'ebé moris loos." 1 João 2:1

Ne'e katak sá iha ita-nia moris loroloron nian? 

Kuandu ita monu ba sala, keta hanoin katak la iha ona esperansa. Ba hasoru Jesus iha orasaun. 

Kuandu ita sente kulpadu, konfesa ita-nia sala. Bíblia hatete: "Se ita konfesa ita-nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu." 1 João 1:9

Kuandu ita hetan tentasaun, hanoin-hetan katak ita-nia Salvador moris hela. Ita la presiza luta mesak de'it hasoru sala. 

Bainhira ita ta'uk mate, hanoin-hetan katak Jesus manán ona mate ne'e. Nia promete: "Tanba ha'u moris, imi mós sei moris." João 14:19.

No kuandu ita lakon ona ema ne'ebé fiar ba Kristu, ita bele iha esperansa. Jesus Nia moris-hias mak garantia ida katak sira ne'ebé partensi ba Jesus mós sei moris hi'as fali (1 Korinto 15: 20-23). 

Resuresaun mak la'ós de'it buat ne'ebé ita selebra iha Paskua. Maibe resuresaun mak fundasaun ba ita-nia fiar loroloron. 

Jesus mate tanba ita-nia sala. Jesus moris-hias ba ita-nia salvasaun. Jesus moris hela too ohin loron.

Tan ne'e, kuandu Satanas hatete ba ita: "Ó-nia sala boot demais kontra Maromak," hanoin-hetan katak ita-nia Salvador moris, no Ninia grasa boot liu fali ita-nia sala. 

Bainhira ita tau fiar ba Kristu ne'ebé moris hi'as ona, simu Ninia perdua, no moris ho esperansa katak Nia sei fila fali mai, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Jesus promete atu mai, maibé tanbasá mak Nia seidauk mai?

Imi mós tenki iha pasiénsia. No hametin imi-nia fuan laran, tanba Nai besik atu fila fali mai ona. Tiago 5:8 BK

                                 Tiago 5:8

Tiago mak Jesus Ninia irmaun ida. Tiago hakerek liafuan sira-ne'e maizumenus tinan 2,000 liubá. Ema kristaun primeiru fiar katak Jesus sei mai fali iha tempu sira-nian. Sira hein no hein. Maibé Jesus la mai durante sira-nia moris. 

Ohin loron, maizumenus tinan 2,000 liu ona, no Jesus seidauk fila fali mai nafatin. 

Karik ema balu husu: "Jesus iha ne'ebé? Tanbasá mak han tempu naruk tebes?" 

Bíblia fó resposta importante ba ita. Maromak la sukat tempu hanesan ho ita. Konsidera saida mak apóstolu Pedro hatete: "Maibee, doben sira, keta haluha ida nee, katak ho Nai, loron ida mak hanesan tinan rihun ida, no tinan rihun ida mak hanesan loron ida." 2 Pedro 3:8.

Ne'e la dehan katak Maromak haluha ona Ninia promesa sira. Jesus sei mai nafatin tuir Ninia promesa iha João 14:1-3. 

Apóstolu Pedro fó razaun importante ida kona-ba tanbasa mak Jesus seidauk mai fali to'o agora: 

"Nai la demora atu kumpri Ninia promesa, hanesan ema balu hanoin Nia demora nee. Maibee Nia hatudu pasiénsia ba ita. Nia lakohi atu ema ida lakon, maibee Nia hakarak atu ema hotu arepende." 2 Pedro 3:9

Hanoin to'ok kona-ba ne'e. 

Karik Nai Jesus nin8a demora hatudu Maromak nia laran-sadi'a.  

Kada loron extra ne'ebé iha, fó tempu ba ema seluk atu rona Evanjellu. Fo tempu ba ema sala-na'in ida atu arrepende an. Fó tempu ba família seluk ida atu buka-hatene kona-ba Jesus. Fó tempu ba joven seluk ida atu fó ninia moris ba Maromak. 

Imajina, kona-ba aman ida ne'ebé hein ninia oan ne'ebé la'o dook ona. Nia lakohi taka odamatan lalais liu. Nia hein tanba nia espera katak labarik ne'e sei fila mai uma. 

Maromak mós hein hela. 

Maibé ita labele komprende sala Maromak Nia pasiénsia. Tanba Jesus seidauk mai, ne'e la dehan katak Nia sei nunka mai. Apóstolu Pedro hatete: "Nai nia loron sei mai" (2 Pedro 3: 10). 

Entaun, oinsá mak ita tenke moris bainhira ita hein hela Jesus? 

Keta dehan: "Hau iha tempu barak." Keta demora, ohin loron kedas hahú tuir Jesus. 

Se ita presiza fó perdua ba ema ruma, halo ida-ne'e ohin loron kedas. 

Se Ita iha toman aat, husu Maromak atu ajuda Ita husik Ita-nia toman aat sira ne'e ohin. 

Se ita presiza husu deskulpa, halo ida-ne'e ohin. 

Se ita nunka simu Jesus, keta demora. Simu Nia agora 

Se Maromak fó oportunidade ba ita atu fó-hatene ema kona-ba Jesus, halo ida-ne'e ohin. 

Tiago hatete: "Hatudu pasiénsia... Hametin imi-nia laran" (Tiago 5:8). Hein Jesus la dehan katak tuur maran no la halo buat ida. Ne'e katak ita bele moris ho fiél nafatin bainhira ita hein hela. 

Loron ida, tempu hein sei hotu. Jesus sei mai hanesan Nia promete ona (Joao 14: 1-3; Apokalipse 22:12). 

Jesus nunka haluha ita. Nia fó tempu barak liu ba ema. 

Tan ne'e, duke husu pergunta: "Tanbasa mak Jesus seidauk to'o mai? Di'ak liu ita husu: "Hau halo saida ho tempu ne'ebé Maromak fó mai ha'u?" 

Mai ita uza tempu ne'ebe Maromak fó atu arrepende an, haburas ita-nia fiar, ajuda ema seluk, no fahe Jesus Nia liafuan di'ak. 

Jesus Nia demora ne'e la'os Maromak falla. Maibé ida ne'e hanesan oportunidade ba ita atu hetan Maromak Nia laran sadia. 

Bainhira ita hein ho pasiénsia ba Jesus Ninia mai ba daruak no prepara ita-nia an no ema seluk hodi hein Jesus loroloron, ita kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

https://docs.google.com/document/d/1k0fcyOl1YZs5qi6QiFAFvWTcuLapYu_Q28rlrQSBAvg/edit?usp=sharing

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Serake ita moe ko'alia kona-ba Jesus?

Ha'u la moe kona-ba evanjelhu. Tanba evanjelhu ne'e mak kbiit hosi Maromak atu fó salvasaun ba ema hotu neʼebé fiar, primeiru ba ema Judeu no mós ba ema Gregu. Roma 1:16

Paulo halo deklarasaun ida ne'ebé forte tebes: "Hau la moe kona-ba Evanjellu." 

                                 Roma 1:16

Ida-ne'e signifika saida? 

Ne'e katak Paulo la ta'uk atu fó-hatene ema kona-ba Jesus. Nia la subar ninia fiar tanba nia la ta'uk kona-ba saida mak ema bele hatete. 

Ohin loron, ita mós bele sente moe atu ko'alia kona-ba Jesus. Karik ita-nia kolega sira bele hamnasa ita. Karik ita-nia kolega serbisu sira hatete: "Ó ne'e relijius liu." Ema balu karik bele hatete katak ita- ne'e primitivu liu. Dala ruma ita mós ta'uk katak ema sei rejeita ita. 

Maibé Paulo fó-hanoin ita katak evanjellu mak "Kbiit hosi Maromak atu fó salvasaun ba ema hotu neʼebé fiar" Evanjellu la'ós de'it istória ida. Ne'e mak Maromak Nia mensajen kona-ba Jesus, ne'ebé mate tanba ita-nia sala no moris hi'as fali atu nune'e ita bele hetan moris rohan-laek (1 Korinto 15: 3-4). 

Oinsá mak asaun hanesan ne'e haree iha ita-nia moris loroloron nian? 

Iha serbisu fatin, kuandu ema ko'alia kona-ba negósiu ne'ebé la loos, ita bele hili dalan onestu, tanba ita partensi ba Jesus. 

Kuandu ema ida husu tanbasá mak ita la join sira atu halo buat-aat, ita bele dehan de'it: "Hau ema kristaun, no ha'u hakarak fó onra ba Maromak." 

Kuandu kolega ida hasoru susar ruma, duke hatete de'it buat hotu sei sai di'ak, ita bele dehan: " Serake hau bele halo orasaun ba ita?" 

Iha uma, ita bele halo orasaun hamutuk ho ita-nia oan sira no hanorin sira kona-ba Jesus. 

Kuandu ita iha oportunidade atu ajuda ema ruma, ita bele ajuda. Ita-nia asaun bele loke dalan ba ita atu ko'alia kona-ba ita-nia fé. 

Ita la presiza haklaken buat ne'ebé boot no han tempu naruk ba ema. Dala ruma liafuan simples, liafuan mamar no laran-di'ak, hahalok ne'ebé onestu, ita-nia ajuda, ka fó sasin ne'ebé simples bele halo ema hakarak hatene kona-ba Jesus liután. 

Jesus hatete: "Nune'e husik imi-nia naroman nabilan iha ema nia oin, atu sira bele haree imi-nia hahalok di'ak, no fó glória ba imi-nia Aman neʼebé iha lalehan. Mateus 5:16

Maibé la moe atu ko'alia kona-ba Jesus la signifika obriga ema atu fiar. Ita tenke ko'alia ho laran-di'ak, respeitu, no domin (1 Pedro 3:15). Ita-nia serbisu mak atu fahe Evanjellu. Espíritu santu mak sei serbisu iha ema nia laran. 

Ohin, husu ba ita-nia an: 

"Serake hau subar ha'u-nia fé tanba ha'u prekupa ho saida mak ema sei ko'alia ka hanoin kona-ba haʼu?" 

Hanoin ida ne'e: ema bele rejeita ita-nia mensajen, maibé ita labele moe atu ko'alia kona-ba ita-nia Salvador. 

Jesus la moe atu bolu ita nu'udar Ninia maun-alin sira (Ebreu 2: 11). Nia prontu mate ba ita. Serake ita iha vontade atu ko'alia ka haklaken kona-ba Nia? 

Mai ita moris no ko'alia iha dalan ne'ebé ema bele haree katak Jesus mak importante iha ita-nia moris. 

Keta moe ko'alia kona-ba Jesus. Karik iha ema balu ne'ebé hein hela atu rona liafuan di'ak ka Evanjellu liuhusi Ita. 

Bainhira ita ho aten-barani maibé ho domin fahe evanjellu ba ema seluk, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More