Eskritura Prinsipal:
‘Hau mak Abrão nia Maromak, no Isak nia Maromak, no Jacó nia Maromak.’? Nia la'os Maromak ba ema mate, maibé Maromak ba ema moris. Mateus 22:32
Saida mak signifika hosi Jesus Ninia liafuan sira-ne'e?
Ulun-nain relijiaun sira bolu ema Saduseu sira mai hasoru Jesus hodi husu pergunta kona-ba moris-hias nian. Ema Saduseu sira la fiar katak ema mate sei moris hi'as fali (Mateus 22:23). Sira koko atu fo impresaun katak hanorin kona-ba moris-hias nian hanesan dutrina ema beik nian.
Jesus hatán ba sira hodi hatudu liafuan ne'ebé Maromak hatete ba Moises:
"Hau mak Abrão nia Maromak, Isaac nia Maromak, no Jacó nia Maromak." - Mateus 22: 32
Abrão, Isaac no Jacó mate ona tinan barak ona antes Maromak fó sai liafuan sira-ne'e ba Moises. Maibé Maromak sei bolu Nia aan nu'udar sira-nia Maromak.
Tuirmai Jesus dehan: "Maromak ne'e la'ós ema mate nia Maromak, maibé ema moris nian."
Serake ida-ne'e signifika katak Abrão, Isaac no Jacó moris no ba ona lalehan?
Lae. Ita presiza lee versikulu ne'e hamutuk ho versikulu sira seluk iha Biblia. Bíblia hatete katak ema mate sira "la hatene buat ida" (Eclesiastes 9:5). Jesus hatete katak mate mak hanesan toba-dukur bainhira Nia ko'alia kona-ba Lazaro (João 11: 11-14).
Tan ne'e, Jesus la hanorin katak Abrão, Isaac, no Jacó moris hela iha fatin ruma depoisde mate. Maibé, Jesus hanorin kona-ba moris-hias ne'ebé serteza.
Maromak promete ba Abrão, Isaac, no Jacó. Tan ne'e, sira-nia mate fiziku nian la halakon Maromak Nia promesa sira. Maromak sei fó fali moris-hias ba sira banhira Jesus fila fali mai (João 5:28-29; 1 Tesalonika 4:16-17).
Jesus dehan: "Hau mak moris-hias no moris." João 11:25
Ida-ne'e fó esperansa furak mai ita.
Ohin loron, ida-ne'e signifika sáida ba ita?
Primeiru, mate la'ós rohan.
Kuandu ema ne'ebé fiar ba Jesus mate, ita triste. Ita lakon sira. Maibé ita la presiza fiar katak mate sei manán ba nafatin. Jesus promete katak "Keta admira kona-ba ida ne'e, tanba oras sei mai bainhira ema hotu neʼebé iha rate laran sei rona Ninia lian, no sira sei sai mai. Ema ne'ebé halo di'ak, sei hadeer fali no tama ba moris. No ema ne'ebé halo aat, sei hadeer fali no tama ba kastigu. João 5:28-29
Segundu, Maromak Nia promesa sira nunka mate.
Karik ita hein hela Maromak atu hatán ba orasaun ruma. Karik moris ne'e susar. Hanoin-hetan Abrão, Isaac no Jacó. Sira mate ona, maibé Maromak Nia promesa sira sei kontinua nafatin.
Terseiru, ohin loron, ita tenke prepara an ba loron moris-hias nian.
Ita la hatene bainhira mak ita-nia moris sei remata. Entaun keta hein to'o loron aban atu la'o tuir Jesus.
Ohin loron:
Fó perdua ba ema.
Dame malu ho ema
Konfesa Ita-nia sala sira.
Halo orasaun
Lee Maromak Nia Liafuan.
Ajuda ema ne'ebé presiza
Fahe lia-fuan di'ak nian ba ema no
Ohin loron fó ita-nia laran ba Jesus.
Jesus sei mai fali, no sira ne'ebé tau fiar ba Nia sei moris hi'as fali (lee 1 Korinto 15: 20-23; 1 Tesalonika 4:16).
Mateus 22:32 fó-hanoin ita katak Maromak Nia relasaun ho Ninia povu la remata iha rate. Karik mate bele haketak ita ba tempu balu, maibé Maromak Nia promesa kona-ba moris hi'as sei sai realidade no ita sei hasoru malu ho ema sira ne'ebé ita hadomi iha loron moris-hias nian.
Entaun kuandu ita lakon ema ne'ebé ita hadomi tamba mate, keta lakon esperansa.
Ita-nia Maromak mak Maromak ne'ebé moris. Jesus mate, Jesus moris-hias, no Jesus sei mai fali.
Bainhira ita tau fiar ba Maromak ne'ebé moris no prepara ita-nia laran ba loron moris-hias nian, ita kontinua la'o ho laran-metin iha Dalan ba Lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
click iha ne'e atu Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
Maluk sira ne'ebé Kristu hadomi,
Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu
Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak.
Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan.
Like • Follow • Share • Maromak fo bensaun! 🙏📖✨
0 comments:
Post a Comment