Halibur haan restu sira atu labele estraga (João 6:12)

Ita tuir festa barak (ki'ik no boot). Ita hasa'e orasaun atu Maromak fó bensaun ba ai-haan sira no husu obrigado ba ai-haan ne'ebé haraik Mai ita. Tuir mai ita observa ema komesa forma  atu  hasai ai-haan iha meja leten.  Ema balu hasai hahaan barak, maibé haan uitoan de'it, restu soe hotu. Ita tristi 😭 bá hahalok sira hanesan ne'e tanba ema festa na'in gasta osan barak atu ita haan maibé ita estraga. Ita mós tristi 😭 tanba iha ita nia kominidade ema  barak hamlaha tanba lahetan ai-haan

 Ita lembra bainhira Na'i Jesus for haan  ema nai'n 5000 ho ikan 2 no paung 5, depois de ema hotu haan bosu Nia haruka nia dixípulu sira dehan: “Halibur haan restu sira atu labele estraga  (João 6:12)

Mai ita respeita ai-haan ne'ebé hanesan bensaun ne'ebé Maromak haraik mai ita.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

João 6:13