Na'i Jesus mak uvas nia hun, ita mak uvas nia sanak sira (João 15:5)

Deskrisaun uvas nia sanak sustenta nia moris no hetan forsa hosi uvas nia hun hanesan deskrisaun ne'ebé furak kona-ba ita ema nia totál dependensia ba Maromak. Se la hó Maromak ita labele halo buat ida. Tanba iha Nia mak ita bele Bok an ba mai  (Apostolu 17:28)

Bainhira Na'i Jesus moris iha mundu ne'e Nia hatudu ida nee, tanba Nia moris tomak depende totalmente ba Aman Maromak.

Hau mesak labele halo buat ida, Nia hatete,  Hau ko'alia tuir buat ne'ebé Hau hare iha Hau Aman (João 5:19).

Mesmu, Na'i Jesus Kristu, ne'e Maromak, Nia moris hanesan ema (João 1:1, 14). Na'i Jesus  moris hanesan ema ne'ebé Maromak intende atu moris - mak depende de'it ba Maromak.

Kristu la'o tuir espiritu no Lia loos. No so ko'alia no halo buat ne'ebé Nia rona hosi Nia Aman Maromak.  Nia hatudu dalan, oinsá ita ema tenki moris.

Mesmu Na'i Jesus ne'e Maromak, Nia hetan forsa hotu hosi nia Aman Maromak iha Lalehan. Nia hatudu ezemplu oinsá ó no hau tenki moris hanesan Maromak oan - hetan forsa hosi Na'i Jesus Kristu, basá la hó Nia ita labele halo buat ida (João 15:5)

Mai ita medita kona-ba prinsipiu ida ne'e. Katak Na'i Jesus mak uvas nia hun no ita mak uvas nia sanak sira. Ita tenki hela iha Nia no permiti Nia espiritu atu horik hó ita hanesan Na'i Jesus horik hó Nia Aman no halo de'it buat ne'ebé Nia rona hosi Nia Aman - tanba la hó Nia ita labele halo buat ida.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

João 15:5