Oras sei toʼo mai kuandu ema hotu neʼebé oho imi hanoin katak sira halo oferta atu serbí ba Maromak

Dala ruma ita hakfodak tamba presegisaun (Penganiayaan) dala barak mai hosi nasaun sira ne'ebé relijioza,  iha ne'ebé tuir loos ita espera bele hetan audience ne'ebé bele simu mensajen liafuan di'ak.

Sn João  John 16:2 deskrebe 

"Ema sei hasai imi husi sinagoga.Oras sei toʼo mai kuandu ema hotu neʼebé oho imi hanoin katak sira halo oferta atu serbí  ba Maromak". 

Sn Paulo molok nia konversaun, nia hanoin katak nia ema ne'ebé fiél ba nia relijiaun Judeu nian liuhosi oho ema sira ne'ebé fiar ba Kristu (Kristaun). Hafoin de Paulo  konverte Nia fiar hosi relijiaun Judeu nian ba Kristaun,  ema Judeu sira halo presegisaun ba nia no ema Kristaun dahuluk sira (2 Tesalonika. 2:14-16). 

Tinan atus resin tuir mai, Igreja Katolik halo inkuzisaun/ Inquisition  atu hapara sira ne'ebé Haklaken Lia Loos bíblia nian. Historia Hakerek ida nee hanesan tempu nakukun nian "Dark ages" ne'ebé akontese iha tinan 476-1492 AD. Tanba saida mak tempu neebá bolu tempu nakukun?, tanba bíblia ne'ebé tuir loos serbí hanesan Lia loos (João 17:17) no Naroman (Salmo 119:105) igreja bandu atu ema bele lee ho libre.

Ita mós haree movimentu extremists Muslimanu sira ne'ebé bolu ema relijiaun seluk kafir hotu no bainhira sira oho ema, sira Nia dutrina hatete katak sira ba kedas Lalehan.  

Iha ezemplu sira iha leten, Relijiaun sempre sai kauza prinsipál ba presegisaun.  Tanbasá mak ema ne'ebé reklama katak sira fiar ba Maromak bele halo violensia kontra ema kriatura seluk? Na'i Jesus hatán iha Sn João 16:3 ....

"Maibé sira sei halo buat sira-neʼe tanba sira la hatene Aman no haʼu"

Ita lee Na'i Jesus Nia liafuan di'ak hosi inisiu to'o rohan la iha fraze ida ne'ebé indika violensia kontra inimigu. Tanba ne'e ita bele bolu ita nia an, ema fiar na'in maibé halo violensia kontra se de'it, ida ne'e la'os dutrina Na'i Jesus nian.

Entaun, Na'i Jesus fo hanoin nanis ona katak ema fiar na'in sira sei hasoru susar oinoin. Tan ne'e iha João 16:4 Nia fo razaun ne'ebé sólidu atu ita fiar nafatin ba nia: Nia hatene futuru. Nia hatene susar hotu ne'ebé ita sei hasoru bainhira ita serbí Nia. Nia fó hanoin nanis ona, atu nune'e bainhira ita hasoru Susar sira ne'e, ita sei la hakfodak no fiar metin ba Nia nafatin.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

João 16:2