Fiar ba Na'i Jesus = moris rohan-laek

Ema neʼebé  fiar ba Oan-Mane hetan moris rohan-laek, no ema neʼebé lakohi halo tuir Oan-Mane sei la haree moris, no Maromak nia hirus sei tun ba nia ba nafatin. João 3:36

Tuir versu ida ne'e, ita ema maksalak so iha opsaun rua de'it: sira ne'ebé fiar ba Kristu hó fé hetan perdaun ba sala no hetan "moris Rohan-laek". Sira ne'ebé la fiar sei hetan julgamentu. Tuir versu iha leten, la iha grupu netrál.

João 3:36 implika katak rejeksaun ba Kristu hanesan rejeita fiar nian no lakohi halo tuir ka la obedese ka la konvinsidu hó Kristu Nia hanorin. Ideia ne'ebé hanesan esplika iha eskritura hanesan  João 3:18–19, Roma 1:20, 3:11.

Na'i Maromak hakarak ema maksalak hetan salvasaun   (2 Pedro 3:9), la'os destroisaun  (Ezequiel 18:23). Tan ne'e, Nia hatudu Nia an sufisiente atu enkoraje ema atu buka Nia   (Salmo 19:1), no subar an ba sira ne'ebé buka razaun atu la fiar ba Na'i Maromak Nia hanorin (2 Pedro 3:3-5; Roma 1:28). Sira ne'ebé mate separadu hosi Maromak mak sira ne'ebé hó hakarak rasik hakarak separa sira nia an hosi Maromak,  (Jeremias 29:13; Apostolu 17:27).

Mai ita enkoraje malu atu fiar ba Na'i Jesus Kristu no halo tuir Nia hanorin sira atu hetan moris Rohan-laek.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

João 3:36